Bu günlərdə başa çatan 36-cı Beynəlxalq Moskva Kinofestivalında əsas -Qızıl Georgi mükafatını yapon rejissoru Kadzuesi Kumakirinin “Mənim kişim” filmi alıb.

Kulis.az-ın məlumatına görə filmdə sunami və zəlzələdən sonra valideynlərini itirmiş qızdan danışılır. Qızcığazla onu himayəyə götürən kişi arasında sonralar sevgi münasibətləri yaranır.

Ən yaxşı rejissor işinə görə mükafatı Valeriya Qay Germanikanın “Hə və Hə” dramı alıb. Təsadüfi sevginin birləşdirdiyi rəssam və müəllimənin hekayətini anladan filmdə açıq səhnələr çoxdur.

• Ceki Çan təltif olundu
• Nağıl dünyası yaradan sətirlər - Günel Natiqqızı
• Everesti fəth etmək nəyimizə lazımdır? - 100 min dollara qədər...

Ən yaxşı sənədli film mükafatına iflic olan 60 yaşlı adamdan bəhs edən “Dərin sevgi” dramına görə polyak rejissoru Yan Matuşinski layiq görülüb.

Ən yaxşı aktrisa nominasiyasında ukraynalı Natalka Polovinko, ən yaxşı aktyor nominasiyasında isə yapon Tadanobu Asano qalib olub.

Xüsusi mükafatı isə türk rejissoru Melik Saracaoğlunun “Gözümün nuru” filmi alıb. Müəyyən qədər avtobioqrafik filmdə söhbət rejissor karyerası arzusunda olan kinomandan gedir.

Ən yaxşı qısa metrajlı film nominasiyasında rus rejissoru Maksim Şavkinin “14 addım” filmi qalib gəlib.

Xatırladaq ki, Azərbaycanlı rejissor Elmar İmanovun və türkiyəli həmkarı Engin Kundağın ortaq işi “Torn” da festivalın qısametrajlı film müsabiqəsində iştirak edirdi.

• Ceki Çan təltif olundu
• Nağıl dünyası yaradan sətirlər - Günel Natiqqızı
• Everesti fəth etmək nəyimizə lazımdır? - 100 min dollara qədər...