Nobelli yazıçı vəfat etdi

Nobelli yazıçı vəfat etdi
15 iyul 2014
# 11:18

İngilisdilli Cənubi Afrika yazıçısı, Nobel Mükafatı laureatı Nadin Qordimer 91 yaşında vəfat edib. Kulis.Azın BBC-yə istinadən verdiyi məlumata görə Qordimer 30-dan çox kitabın, həmçinin, “Oğlumun hekayəsi”, “Burgerin qızı” kimi məşhur romanların müəllifidir. Ona dünya şöhrətini isə 1981-ci ildə yazdığı “Culay xalqı” romanı gətirib.

Qordimer “Mühafizəçi” romanına görə 1974- cü ildə Buker mükafatı alıb. 1991-ci ildə isə Nobel alan yazıçı haqda Nobel komitəsi deyib: “O, özünün əla eposu ilə insanlığa böyük töhfə verib”.

Qordimer tarixə eyni zamanda Afrika qitəsindən olan üçüncü Nobel mükafatçısı kimi daxil olub.

O, 1923-cü ildə Cənubi Afrikanın Yohannesburq şəhərində yəhudi mühacir ailəsində doğulub. Onun saatsaz atası Latviyadan, anası isə Londondan idi. O, ilk hekayəsini 9 yaşında yazıb. 15 yaşından isə çap olunmağa başlayıb.

Qordimerin gənclik illəri Cənubi Afrikada aparteid rejimi zamanına təsadüf edib. O, öz əsərlərində insanları rasizmlə mübarizəyə səsləyirdi. Yazıçı Afrika Milli Konqresinin fəal üzvü olub və Nelson Mandelanın azadlığı uğrunda mübarizə aparıb.

1964-cü ildə isə Qordimer Mandelanın “Mən ölümə hazıram” məşhur məhkəmə nitqinin hazırlanmasında iştirak edib.

Onun bəzi əsərləri- “Burgerin qızı” və “İtirilmiş burjua qrupu” Cənubi Afrikada qadağan olunub.

Qordimerin son əsəri, Afrikada aparteid rejim əleyhinə mübarizə aparan veteranlardan bəhs edən ” İndi əsl vaxtdır” romanı 2012-ci ildə yayımlanıb.

# 2513 dəfə oxunub

Oxşar xəbərlər

Yatmış göyərçinləri azan səsi oyatdı - Ruslan Mollayevin şeirləri

Yatmış göyərçinləri azan səsi oyatdı - Ruslan Mollayevin şeirləri

15:00 3 aprel 2025
Qəşəm Nəcəfzadə insanları belə aldadır - Nadir Yalçın

Qəşəm Nəcəfzadə insanları belə aldadır - Nadir Yalçın

15:15 1 aprel 2025
Xalq yazıçısı həyat yoldaşının əlini öpdüyünə görə kimi döymüşdü?

Xalq yazıçısı həyat yoldaşının əlini öpdüyünə görə kimi döymüşdü?

09:00 1 aprel 2025
Ayaqyalın gəzsən, ayaqların döşəməylə öpüşəcək -  Alov İnannanın şeirləri

Ayaqyalın gəzsən, ayaqların döşəməylə öpüşəcək - Alov İnannanın şeirləri

17:00 31 mart 2025
Qatı xristian, yoxsa kafir... - Kilsə onu niyə bağışlamadı?

Qatı xristian, yoxsa kafir... - Kilsə onu niyə bağışlamadı?

10:40 31 mart 2025
Mənim Azərbaycan dilim - Aydın Talıbzadə

Mənim Azərbaycan dilim - Aydın Talıbzadə

09:00 18 mart 2025
#
#
# # #