Kulis.az gənc şair Rauf Ranın qısa şeirlərini təqdim edir.

"Chıaroscuro"

İşığın qarşısını kəsmədim,
kölgə yaratdım.

• Həsən Kür palataya köçürülüb, vəziyyəti stabildir - Foto
• Şeyx Əbdül: "Məktəb direktoru qadın ola bilməz"
• "Prison Break" serialı yenidən çəkiləcək

Refleksiya

Kibrit qutusunu yandırdım,
son kibrit sönər deyə.

Kulis

kar və lal doğulan oğlan
qardaşına nifrət edirdi.

Dilemma

hansına inanım:
pəncərə şüşəsinə düşən əksimə,
ya şüşədən görünən yaşıllığa?

Konfrantasiya

pəncərəni bağlayıb
qapını açıb evdən çıxdım.

pəncərəni yoxlamaq,
qapını bağlamaq üçün
geri qayıtdım.

Retrospektsiya

uşaq ikən
mən də köhnə,
ağ-qara şəkillərə baxdıqda,
keçmişdə həyatın rənglərinin
fərqli olduğunu düşünürdüm.

indi oğlum da köhnə,
rəngli şəkillərə baxanda
eyni şeyi düşünür.

Avtoportret

geniş otaq.
bir tərəfi divara
sıxılmış yemək masası.

Ukiyo-e

sakit, səliqəli ev...

pilləkənin ikinci pilləsindəki
sol ayağının yanına
birinci pillədəki sağ ayağını
qoyduqdan sonra
sol ayağını üçüncü pilləyə
qoyan biri.

• Həsən Kür palataya köçürülüb, vəziyyəti stabildir - Foto
• Şeyx Əbdül: "Məktəb direktoru qadın ola bilməz"
• "Prison Break" serialı yenidən çəkiləcək