Sənət

ABŞ-da ilk dəfə “Leyli və Məcnun” operası nümayiş etdirilib

ABŞ-da ilk dəfə “Leyli və Məcnun” operası nümayiş etdirilib
12 noyabr 2012
# 12:20
ABŞ-ın Kaliforniya ştatının San Fransisko şəhərində Azərbaycanın dahi bəstəkarı Üzeyir Hacıbəylinin “Leyli və Məcnun” muğam operası tamaşaya qoyulub.

Azərbaycanın Los Ancelesdəki baş konsulluğundan APA-ya verilən xəbərə görə, opera San Fransisko Dünya Musiqi Festivalı (San Francisco World Music Festival) çərçivəsində səhnələşdirilib. Bu, «Leyli və Məcnun» operasının ABŞ-da ilk nümayişidir.

Azərbaycanın Los Ancelesdəki baş konsulu Nəsimi Ağayev tədbiri giriş sözü ilə açaraq, «Leyli və Məcnun» operasının tarixi barədə məlumat verib, onun müsəlman dünyasında ilk opera olduğunu və indiyə kimi sevilə-sevilə ifa edildiyini qeyd edib. Sonra diplomat Azərbaycanın xalq artisti, məşhur pianoçu, hazırda San Fransiskoda yaşayan Çingiz Sadıqova San Fransisko Dünya Musiqi Festivalının xüsusi fəxri fərmanını təqdim edib. Fəxri fərman Ç.Sadıqova Azərbaycan musiqi və mədəniyyətinin ABŞ-da və bütün dünyada təbliği sahəsində gördüyü işlərə görə verilib.

Sonra opera tamaşası nümayiş etdirilib. Gənc xanəndələr Vüsalə Musayeva və İlkin Əhmədov Leyli və Məcnun rollarını ifa ediblər. Mahir instrumental ifaçılar İmamyar Həsənov (kamança) və Rüfət Həsənov (tar), eləcə də Çin, Hindistan, Cənubi Koreya və ABŞ musiqiçilərindən ibarət orkestr xanəndələrimizi müşayiət edib.

Opera tamaşaçıların alqışları ilə qarşılanıb. Tamaşada 500-dək şəxs iştirak edib.
# 2292 dəfə oxunub

Oxşar xəbərlər

Dünyanın ən qanlı tablosunun arxasında gizlənən qadın faciəsi

Dünyanın ən qanlı tablosunun arxasında gizlənən qadın faciəsi

13:10 8 iyul 2026
Fırıldaqçını inandırıb öz filminə çəkən iranlı rejissor - Abbas Kiyarostaminin filmlərinə niyə baxmalısınız?

Fırıldaqçını inandırıb öz filminə çəkən iranlı rejissor - Abbas Kiyarostaminin filmlərinə niyə baxmalısınız?

10:00 4 iyul 2026
"Biz düşünməyə yox, inanmağa məcbur edilmişdik..." - Amerikalı feminist yazıçıdan sitatlar

"Biz düşünməyə yox, inanmağa məcbur edilmişdik..." - Amerikalı feminist yazıçıdan sitatlar

15:00 3 iyul 2026
"Bizim yadlaşmağımızda sənin zərrə qədər də günahın yoxdur..." - Kafkanın "Atama məktub" əsərindən bir hissə

"Bizim yadlaşmağımızda sənin zərrə qədər də günahın yoxdur..." - Kafkanın "Atama məktub" əsərindən bir hissə

10:00 3 iyul 2026
Rüstəm Kamalın ədəbiyyat dili - Elnarə Akimova

Rüstəm Kamalın ədəbiyyat dili - Elnarə Akimova

17:50 2 iyul 2026
5 övladını yetimxanaya verdi, nifrət etdiyi Volterin yanında dəfn olundu... - Jan-Jak Russo haqqında maraqlı faktlar

5 övladını yetimxanaya verdi, nifrət etdiyi Volterin yanında dəfn olundu... - Jan-Jak Russo haqqında maraqlı faktlar

15:00 2 iyul 2026
#
#
Ana səhifə Yazarlar Bütün xəbərlər
Canlı yayım