Görkəmli Azərbaycan yazıçısı, şair, dramaturq, publisist və ictimai xadim Məmməd Səid Ordubadinin anadan olmasının 140 illik yubileyi ilə bağlı “Məmməd Səid Ordubadi: taleyi və sənəti” kitabı çapdan çıxıb.
Azərbaycan Milli Elmlər Akademiyasından (AMEA) AzərTAc-a bildiriblər ki, akademiyanın Naxçıvan Bölməsinin İncəsənət, Dil və Ədəbiyyat İnstitutunun ədəbiyyatşünaslıq şöbəsi tərəfindən nəşr edilmiş kitabda Məmməd Səid Ordubadinin (1872-1950) həyat və çoxşaxəli ədəbi fəaliyyəti, zəngin bədii yaradıcılığı, onun ədəbiyyat tariximizdəki əvəzsiz xidmətləri öz əksini tapıb.
“Əcəmi” nəşriyyat-poliqrafiya birliyində çap olunan yeni nəşrdə Azərbaycanda tarixi roman məktəbinin banisi Məmməd Səid Ordubadinin əsərlərinin mövzusu, janr xüsusiyyətləri, görkəmli dramaturqun yaşadığı dövr, qələmə aldığı şeirlər, hekayələri, tarixi romanları yer alıb.
AMEA Naxçıvan Bölməsinin İncəsənət, Dil və Ədəbiyyat İnstitutunun ədəbiyyatşünaslıq şöbəsinin əməkdaşları tərəfindən Naxçıvan ədəbi mühitinin öyrənilməsi istiqamətində bir çox görkəmli ədib və alimlərin həyatı və yaradıcılıqları ilə bağlı yeni materiallar toplanılıb sistemləşdirilmiş və akademiyanın həqiqi üzvü İsa Həbibbəylinin elmi redaktorluğu ilə nəşr edilib.
“Məmməd Səid Ordubadi: taleyi və sənəti” kitabı nəşr olunub
12 noyabr 2012
11:41
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Oxşar xəbərlər
Dünyanın ən qanlı tablosunun arxasında gizlənən qadın faciəsi
13:10
8 iyul 2026
Fırıldaqçını inandırıb öz filminə çəkən iranlı rejissor - Abbas Kiyarostaminin filmlərinə niyə baxmalısınız?
10:00
4 iyul 2026
"Biz düşünməyə yox, inanmağa məcbur edilmişdik..." - Amerikalı feminist yazıçıdan sitatlar
15:00
3 iyul 2026
"Bizim yadlaşmağımızda sənin zərrə qədər də günahın yoxdur..." - Kafkanın "Atama məktub" əsərindən bir hissə
10:00
3 iyul 2026
Rüstəm Kamalın ədəbiyyat dili - Elnarə Akimova
17:50
2 iyul 2026
5 övladını yetimxanaya verdi, nifrət etdiyi Volterin yanında dəfn olundu... - Jan-Jak Russo haqqında maraqlı faktlar
15:00
2 iyul 2026
