Sənət

“Ədəbi Nobel antologiyası” kitabının təqdimatı olub

“Ədəbi Nobel antologiyası” kitabının təqdimatı olub
29 oktyabr 2012
# 11:50
Nobel qardaşlarının Bakıdakı ev-muzeyi "Villa Petrolea"da "Ədəbi Nobel antologiyası" ictimaiyyətə təqdim olunub.

“Avrasiya Beynəlxalq Araşdırmalar İnstitutu” İctimai Birliyinin təşəbbüsü və dəstəyi ilə çap olunmuş “Ədəbi Nobel antologiyası”nın təqdimatında, Birliyin sədri, millət vəkili, nəşrin “ön söz” müəllifi Qənirə Paşayeva açılış nitqi ilə çıxış edib: ”Ədəbiyyat üzrə Nobel mükafatına layiq görülmüş dünyaca ünlü 67 nasirin əsərlərindən örnəklər bir arada təqdim olunur. Əsl ədəbiyyat həmişə birgəyaşayışı, barışı təbliğ edir. Kitabın ilk 500 nüsxəsi pulsuz olaraq kitabxanalara, universitetlərə, mədəniyyət ocaqlarına, elm müəssisələrinə paylanacaq. Hazırda antologiyanın daha böyük tirajla çapı gedir və yeni tiraj satışa çıxarılacaq ki, daha çox insan bu kitabı əldə edə bilsin. Qoy, bizim gənclər dünya ədəbiyyatında baş verən hadisələrlə, tendensiyalarla yaxından tanış ola bilsinlər“.

Layihənin rəhbəri və ön sözün müəllifi milllət vəkili dr. Qənirə Paşayeva olan “Ədəbi Nobel antologiyası”nda dünyanın ən nüfuzlu ədəbi mükafatı olan Nobel mükafatının təsis edilməsindən keçən 110 il ərzində mükafata layiq görülmüş nasirlərin yaradıcılığı təqdim olunub. Antologiyada müəlliflərin həyat və yaradıcılığı haqqında yığcam bilgilər də yer alıb.

Əhatə miqyasına və ədəbi örnəklərin seçiminə görə nadir olan “Ədəbi Nobel” Azərbaycan ədəbiyyatını da dünya ədəbiyyatı ailəsinin üzvü kimi hiss etməyə imkan verəcək nəşrlərdəndir.
Antologiyaya daxil edilmiş əsərlər ingilis, rus, ərəb, alman, ispan və başqa dillərdən tərcümə olunub, bir bölümü isə Türkiyə türkcəsindən uyğunlaşdırılıb. Henrix Senkeviçdən (1905) Mario Varqas Lyosaya (2010) qədər “Nobel” almış 67 ünlü yazıçının yaradıcılığından örnəklər, Xalq Yazıçısı Elçinin, mərhum Natiq Səfərovun, Vilayət Hacıyevin, Fərhad Əliyevin, prof. Cəlil Nağıyevin, Nəriman Əbdülrəhmanlının, Mahir Qarayevin, Azad Yaşarın, Ramiz Abbaslının, Aslan Quliyevin, Nərgiz Cabbarlının, Akif Əliyevin, Həmzəli İlyasın, şəhid şair Ülvi Bünyadzadənin, Svetlana Quliyevanın, Ülkər Nəsibbəylinin, Günel Ramazanqızının çevrisində Azərbaycan oxucusuna çatdırılır. Gələcəkdə antologiyanın ikinci – poeziya örnəkləri toplanmış cildinin nəşri də nəzərdə tutulub.

http://ganirapashayeva.com
# 1966 dəfə oxunub

Oxşar xəbərlər

Kefli İskəndərin gizli siması: xilaskar yoxsa qatil? - Cəfər Cabbarlı Mirzə Cəlilin əsəri haqqında

Kefli İskəndərin gizli siması: xilaskar yoxsa qatil? - Cəfər Cabbarlı Mirzə Cəlilin əsəri haqqında

10:00 10 fevral 2026
Dedi: Könlümdə o, gizlicə candır! - Əlişir Nəvainin “Xəmsə”sindən Xosrovla Fərhadın deyişməsi

Dedi: Könlümdə o, gizlicə candır! - Əlişir Nəvainin “Xəmsə”sindən Xosrovla Fərhadın deyişməsi

17:00 9 fevral 2026
"Dəlisi ağıllı kimi, ağıllısı dəli kimi millətim heeey!"- “Səksənincilər" layihəsindən Əlisəmid Kürün şeirləri

"Dəlisi ağıllı kimi, ağıllısı dəli kimi millətim heeey!"- “Səksənincilər" layihəsindən Əlisəmid Kürün şeirləri

12:00 8 fevral 2026
Sevgilisi ilə səyahətə çıxdığı qatar çaya düşdü, anasını bağışlamadı... - Arvadı niyə onun məktublarını muzeyə təhvil vermişdi?

Sevgilisi ilə səyahətə çıxdığı qatar çaya düşdü, anasını bağışlamadı... - Arvadı niyə onun məktublarını muzeyə təhvil vermişdi?

15:00 7 fevral 2026
“Misir Mərdanovun qohumuyam” deyəndən sonra universitetdə yaşadıqlarım - Bəhruz Tağızadə

“Misir Mərdanovun qohumuyam” deyəndən sonra universitetdə yaşadıqlarım - Bəhruz Tağızadə

10:00 7 fevral 2026
Hərəmxanaya bənzər emalatxana, 14 qeyri-qanuni övlad... - Onun hansı tablosu parlamentdə müzakirəyə çıxarılmışdı?

Hərəmxanaya bənzər emalatxana, 14 qeyri-qanuni övlad... - Onun hansı tablosu parlamentdə müzakirəyə çıxarılmışdı?

16:00 6 fevral 2026
Ana səhifə Yazarlar Bütün xəbərlər
Canlı yayım