Kinematoqrafçılar İttifaqında Kino Günü münasibətilə tədbir keçirilib

Sənət

Ana səhifə
Sənət

Kinematoqrafçılar İttifaqında Kino Günü münasibətilə tədbir keçirilib

2 avqust 2012

16:48

Azərbaycan Kinematoqrafçılar İttifaqında Kino Günü münasibətilə tədbir keçirilib. APA-nın məlumatına görə, tədbirdə ittifaqın ikinci katibi Azad Əsədov çıxış edərək, 114 yaşlı Azərbaycan kinosunun tarixindən, keçdiyi inkişaf yolundan, uğurlarından danışıb.

İttifaqın sədri Rüstəm İbrahimbəyov çıxış edərək, Azərbaycanın kino xadimlərini Kino Günü münasibətilə təbrik edib.

Daha sonra İttifaqın təsis etdiyi mükafatlar kino rejissorları Fikrət Əliyev, Asif Rüstəmov və xalq artisti Fəxrəddin Manafova təqdim olunub.

Tədbirdə Yazıçılar Birliyinin sədri Anar, xalq yazıçısı Vaqif Səmədoğlu, kino xadimləri, xalq artistləri, mədəniyyət işçiləri, aktyorlar iştirak ediblər.