“Qadın at deyil ki…” – 30 yaşlı Nazim Hikmətin müsahibəsi

“Qadın at deyil ki…” – 30 yaşlı Nazim Hikmətin müsahibəsi
23 fevral 2021
# 17:00

Kulis.az Nazim Hikmətin 1931-ci ildə "Cümhuriyyət" qəzetinə verdiyi müsahibəni təqdim edir

- Son zamanlar gələn yeni cərəyanlar haqqında fikirlərinizi öyrənək?

- Hər şeydən əvvəl sadə və qətiyyətli xətlərin tərkibi ilə doyunca günəş və hava girən yeni evlərin, yeni proletar şeirinin yüz faiz tərəfdarıyam. Azad nigahın tərəfdarıyam! Sovetin nikah ənənəsi kimi. Yəni iki tərəfin icazəsi ilə baş tutan bir tərəfin arzusu ilə dərhal pozulan və ancaq cəmiyyət qarşısında sağlamlıq və uşaq məsələlərində məsuliyyət daşıyan nikah ən mükəmməl ailə formatıdır.

- Hansı yazıçını, hansı aktyoru, hansı şairi, hansı rəssamı sevirsiniz?

- Ərtoğrul Muhsin başda olmaqla Darülbədayi aktyorlarının bir çoxunu, klassiklərdən Vahram Papazvanı sevirəm. Tuluatçılardan (red. Türkiyədə teatr janrdır) Keçəl Həsəni bəyənirəm. Keçəl Həsənin yüksək mədəniyyəti olsaydı, beynəlmiləl bir sənətkar ola bilərdi. Ən çox sevdiyim rəng qırmızıdır. Sevdiyim fəsil qış və yazdır.

- Kino yoxsa teatr, səsli yoxsa sözlü film?

- Amerika və Fransa istehsalı filmlərdən zəhləm gedir. Qəti şəkildə deyə bilərəm ki, sözlü filmlər uğur qazanmayacaq. Teatr sənətinin gələcəyi, məncə teatr və kino elementlərini kino hakimiyyəti altında birləşdirməkdədir. Ən çox bəyəndiyim iki film var:

Çarli Çaplinin “Şəhər işıqları” və Eyzenşteynin “Potyomkin dəniz gəmisi” filmləri.

- Qadın ofisdə, yoxsa evdə işləməlidir? Makiyajlı, yoxsa təbii qadın? Qısa saçlı yoxsa uzun saçlı qadın? Oxumuş yoxsa cahil qadın?

- Makiyajsız qadın işləyən qadındır. Qadının saçının uzun və ya qısa olmasının əhəmiyyəti yoxdur. Qadın at deyil ki, quyruğunun uzunluğu qısalığı müzakirə mövzusu olsun. Heç birinə qapılmadım.

- Həyatınızın ən xoşbəxt, ən həyəcanlı zamanları hansılardır?

- Həyatımın müəyyən bir dövründən sonra xoşbəxtlik görmədim. Ən həyəcanlı dəqiqəm dünya imperializminin kökündən yıxıldığı zaman olacaq.

Hazırladı: Günel Musa

# 2537 dəfə oxunub

Oxşar xəbərlər

Yatmış göyərçinləri azan səsi oyatdı - Ruslan Mollayevin şeirləri

Yatmış göyərçinləri azan səsi oyatdı - Ruslan Mollayevin şeirləri

15:00 3 aprel 2025
Qəşəm Nəcəfzadə insanları belə aldadır - Nadir Yalçın

Qəşəm Nəcəfzadə insanları belə aldadır - Nadir Yalçın

15:15 1 aprel 2025
Xalq yazıçısı həyat yoldaşının əlini öpdüyünə görə kimi döymüşdü?

Xalq yazıçısı həyat yoldaşının əlini öpdüyünə görə kimi döymüşdü?

09:00 1 aprel 2025
Ayaqyalın gəzsən, ayaqların döşəməylə öpüşəcək -  Alov İnannanın şeirləri

Ayaqyalın gəzsən, ayaqların döşəməylə öpüşəcək - Alov İnannanın şeirləri

17:00 31 mart 2025
Qatı xristian, yoxsa kafir... - Kilsə onu niyə bağışlamadı?

Qatı xristian, yoxsa kafir... - Kilsə onu niyə bağışlamadı?

10:40 31 mart 2025
Mənim Azərbaycan dilim - Aydın Talıbzadə

Mənim Azərbaycan dilim - Aydın Talıbzadə

09:00 18 mart 2025
#
#
# # #