Kulis.az sosial şəbəkələrdə 20 yaş fotolarının paylaşılmasının trendə çevrildiyi bu günlərdə türk yazar Ali Poylazoğlunun bu ovqatla səsləşən “20 yaş, 35 yaş, 40 yaş və bugünkü mən” şeirini təqdim edir.
Bunları bir yerə toplayım
Yaxşı bir dərdləşək – deyə düşündüm.
Mətbəxdə də yaxşıyam
Bəzədim süfrəni
Xeyli uğraşdım.
Hansının hansı yeməyi, hansı içkini xoşladığını yaxşı bilirəm
Xeyli də pul xərclədim
Birinin yediyini o biri yeməz
O birinin içdiyini bu biri içməz
Dörd nəfərlik süfrə hazırladım
Şamları yandırdım
Hamısı Erik Satinin mahnılarını sevərdi
Xatırladım
Musiqi də təşkil elədim
Gəldilər.
20 yaşında mən,
35 yaşımda mən,
40 yaşımda mən və
bugünkü mən - dördümüz.
20 yaşımı, 35 yaşımın qarşısına oturtdum.
40 yaşımın qarşısına da, özüm keçdim.
20 yaşım 35 yaşımı mühafizəkarlıqda suçladı.
40 yaşım ikisinin də axmaq olduğunu söylədi.
Onları sakitləşdirim dedim
- Sən qarışma, vecsiz qoca – dedilər.
Böyük qovğa çıxdı
Qonşular altdan-üstdən divarlara vurdular.
20 yaşım 40 yaşıma stəkan tolazladı.
Evi də it gününə qoymuşdular!
Qəbahət məndədir
Nə çağırırsan tanımadığın adamları evinə?!
P.S. Şeir əslində hekayə kimi yazılıb və səhvən Can Yücelin adına şeir kimi paylaşılıb.
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
