Bu gün fransız intibah dövrünün yazıçısı və filosofu Mişel de Montenin anım günüdür.

Kulis.az onun sitatlarını təqdim edir.

Fəlsəfə ilə məşğul olmaq şübhə etməkdir.

***
Nəyəsə nail olan kimi başqa bir şey istəyirik.

***
Əgər yaxşı evlilik deyə bir şey varsa, o da sevgidən çox dostluğa bənzədiyi üçündür.

***
Əzab çəkməkdən qorxan insan artıq qorxduğu şeyin əzabını çəkir.

***
Müəyyən mənada başqaları üçün yaşamayan insan, demək olar ki, özü üçün də yaşamır.

***
Həyatım dəhşətli bədbəxtliklərlə dolu olub – bunlarınsa əksəriyyəti heç vaxt baş verməyib.

***
Bu günün həqiqəti həqiqətən var olan deyil, hər kəsin başqasını inanmağa vadar etdiyi şeydir.

***
Ən az bildiyimiz şeyə inandığımız qədər heç nəyə qəti inanmırıq.

***
Öz arqumentini səs-küy və əmrlə qəbul etdirməyə çalışan adam məntiqinin zəif olduğunu göstərir.

***
Çox bilmək çox vaxt daha çox şübhələnməyə səbəb olur.

***
Pulsuz hədiyyədən daha bahalı heç nə yoxdur.

***
İnsan tamamilə ağılsızdır. O, bir qurd yarada bilməz, amma onlarla tanrı yaradır.

***
Kəndlilərin cəmiyyətinə üstünlük verirəm, çünki onlar səhv mühakimə yürütmək üçün kifayət qədər təhsil almayıblar.

***
Var-dövlətin yoxluğu asanlıqla bərpa olunur, amma ruhun yoxsulluğunun əvəzi çıxarılmazdır.

***
Hadisələri idarə edə bilmədiyim üçün özümü idarə edirəm.

***
Özünüzdən bəhs etməyin, çünki uduzmağa məhkumsunuz: əgər özünüzü alçatsanız, sizə inanarlar; əgər özünüzü tərifləsəniz, inanmazlar.

***
Yalnız axmaqlar qəti və arxayın olurlar.

***
Düşünməkdən qorxmadığınızı deməkdən qorxmayın.

***
İnsana baş verənlərdən çox, baş verənlər haqqında onun fikri zərər vurur.

Rus dilindən tərcümə: Aydan Ağayeva

• Azərbaycanın ilk Xalq artisti - "Tarın Qurbanı"nı kim Bakıya dəvət etmişdi?
• Mühasirədən qalan çörək, Afrika maskaları, tarakanlar... - Dahilərin qəribə kolleksiyaları
• “South Park” adını dəyişdirdi – Trampa cavab olaraq