Oktyabrın 25-də Azərbaycan Kinematoqrafçılar İttifaqında kinoşünas, tənqidçi, publisist Sevda Sultanovanın “Ekranlaşdırılmış ədəbi əsərlər” kitabının təqdimat mərasimi keçirildi.

Kulis.az-ın verdiyi xəbərə görə, kino adamlarının, yazıçıların və tələbələrin iştirak etdiyi tədbiri giriş sözü ilə İttifaqın katibi, rejissor Əli İsa Cabbarov açaraq, müəllif və kitab haqqında danışdı.

Daha sonra kitabın müəllifi Sevda Sultanova kitabın yazılma prosesindən, əhatə etdiyi filmlərdən, ekranlaşdırmanın xüsusiyyətlərindən danışdı, qonaqları maraqlandıran suallara cavab verdi.

• Aleksandr Düma Oğuzda olubmu? - Qafqaza səfərin pərdəarxası
• Deputat: "Ermənilər xristian olsa da, Qarabağdakı xristian abidələrinə hörmət qoymayıb"
• Orxan Lökbatanlı: "Elə olub ki, bir günə toydan 20 min manat qazanmışam" - Müsahibə

Müzakirə formatında davam edən tədbir kitabların qonaqlara hədiyyə olunması və imzalanması ilə başa çatdı.

Qeyd edək ki, “Ekranlaşdırılmış ədəbi əsərlər” Sevda Sultanovanın Ədəbiyyat qəzetində gedən eyniadlı layihəsi əsasında gerçəkləşdirilib. Kitabda tənqidçi ekranlaşdırılan məşhur əsərlərin film versiyası üzərində müqayisəli, analitik, nəzəri rakursdan təhlilini aparıb. Kitabda dünya ekranlaşma nümunələri ilə yanaşı Azərbaycan filmlərinə də yer ayrılıb.

• Aleksandr Düma Oğuzda olubmu? - Qafqaza səfərin pərdəarxası
• Deputat: "Ermənilər xristian olsa da, Qarabağdakı xristian abidələrinə hörmət qoymayıb"
• Orxan Lökbatanlı: "Elə olub ki, bir günə toydan 20 min manat qazanmışam" - Müsahibə