Əməkdar artist Həsənağa Sadıqovun bu dəqiqələrdə dünyasını dəyişdiyi bildirilir.

Kulis.azın verdiyi xəbərə görə, bu barədə Hacı Nuran öz İnstaqram səhifəsində məlumat yayıb.

Həsənağa Sadıqov 1950-ci il dekabırın 7-də Salyan şəhərində müğənni ailəsində dünyaya göz açıb.

Atası və babası milli aşıq sənətinin bilicilərindən olub. Həsənağa Sadıqovun babası Aşıq Qurbanxan Muğan bölgəsinin ən məşhur aşıqlarındandır. O görkəmli el sənətkarı Mirzə Bilaldan dərs alıb. 6-7 yaşlarından atasının və babasının yanında toylara gedən H.Sadıqov 1963-cü ildə zərb alətlərində bacarıqla çaldığı mahnılar və ritmlərlə məşhurlaşıb.

1985-ci ildə Ümumdünya musiqi festivalında iştirak edən Həsənağa müəllim bacarıqlı musiqi istedadı ilə münsiflər heyətinin və tamaşaçıların dərin rəğbətini qazanıb, festivalın Qızıl medalı ilə təltif olunub. Həsənağa Sadıqov Amerika Birləşmiş Ştatlarında, Norveçdə, Vyetnamda, Almaniyada, eləcə də Afrika qitəsinin bir çox ölkələrində geniş konsert proqramı ilə çıxış edib.

1988-ci ildə Həsənağa Sadıqova Azərbaycan SSR əməkdar mədəniyyət işçisi fəxri adı verilib. Onun köməklik və təşəbbüsü ilə “Mahirlər” ailə ansamblı yaradılıb və bu gündə fəaliyyət göstərir.

O, ağır xəstəlikdən əziyyət çəkirdi.

Allah rəhmət eləsin.

• Həqiqət, yoxsa reklamın gücü? - Əgər bu müəllifi oxumusunuzsa, əlinizi qaldırın!
• Salman Rüşdini bıçaqlayan şəxs məhkəmə qarşısında
• "Qisasçılar"a qayıdacaqmı? - Kris Evans açıqladı