Dərbənd Dövlət Azərbaycan Dram Teatrı binasız qalıb

Dərbənd Dövlət Azərbaycan Dram Teatrı binasız qalıb
8 avqust 2019
# 19:02

Azərbaycan Milli Elmlər Akademiyasının (AMEA) Tarix İnstitutu Dərbənd şəhərində yerləşən Dövlət Azərbaycan Dram Teatrının son durumu ilə bağlı açıqlama yayıb.

Tarix İnstitutunun mətbuat xidmətindən APA-ya verilən məlumata görə, hazırda Dərbənddə Azərbaycan teatrı fəaliyyət göstərmir.

Teatrın direktoru Firdovsi Əsgərovun verdiyi məlumata görə, 1998-ci ildə teatra fəaliyyətdə olmayan “Rodina” (Vətən) kinoteatrının (1937-ci il tikilisi) binası verilib. Bu bina teatr normalarına uyğun gəlmədiyi üçün 2000-ci ildə sökülüb və həmin yerdə 230 nəfərlik teatr binasının tikintisinə başlanılıb. Lakin işin gedişində uzun müddətli fasilələr yaranıb, tez-tez iş dayandırılıb və 2006-cı ildə isə layihə tamamilə dondurulub.

2015-ci ildə Nizami Gəncəvi adına parkda teatrın yeni binasının inşası üçün yer ayrılıb, lakin müəyyən qüvvələr teatrın burada tikilməsinə əngəl törədiblər. Dərbənd Dövlət Azərbaycan Dram Teatrının 1998-ci ildən davam edən bina problemi həllini tapmayıb və teatr binasız qalıb.

Teatrın kollektivi 57 nəfərdən ibarətdir, onlardan 7 nəfəri Dağıstanın əməkdar artistidir. Teatr tez-tez Rusiyanın, Azərbaycanın və Türkiyənin müxtəlif şəhərlərində qastrol səfərlərində olur. Lakin teatrın binası olmadığı üçün Dərbənddə tamaşalar Ləzgi Dram Teatrının binasında göstərilir. Dərbənd Dövlət Azərbaycan Dram Teatrının ümumiyyətlə məşq meydançası da yoxdur.

Qeyd olunub ki, Dərbənddə Ləzgi və Tabasaran teatrlarının binaları həm müasir tələblərə cavab verir, həm yerləşdikləri məkanlar çox əlverişlidir, həm də məhsuldar fəaliyyət göstərmələri üçün hər cür şərait yaradılıb.

# 2555 dəfə oxunub

Oxşar xəbərlər

3 yaşlı qardaşını 6 yaşlı qardaşına tapşırdı - KimsəBizlər

3 yaşlı qardaşını 6 yaşlı qardaşına tapşırdı - KimsəBizlər

16:28 26 aprel 2025
Əli Mirəliyev reanimasiyaya yerləşdirildi

Əli Mirəliyev reanimasiyaya yerləşdirildi

14:34 26 aprel 2025
Napoleonun şəxsi qılıncı hərraca çıxarıldı - FOTO

Napoleonun şəxsi qılıncı hərraca çıxarıldı - FOTO

13:00 26 aprel 2025
Britaniya şahzadəsini zorlamada ittiham edən qadın özünü öldürdü

Britaniya şahzadəsini zorlamada ittiham edən qadın özünü öldürdü

11:41 26 aprel 2025
Azərbaycanlıları öldürən m*rc oyunları – Bu “killeri” kimlər göndərib?

Azərbaycanlıları öldürən m*rc oyunları – Bu “killeri” kimlər göndərib?

11:00 26 aprel 2025
Azərbaycan milli mətbuatının 150 illik yubileyi keçiriləcək - Sərəncam

Azərbaycan milli mətbuatının 150 illik yubileyi keçiriləcək - Sərəncam

17:49 25 aprel 2025
# # #