Gənc Tamaşaçılar Teatrının aktyoru, Əməkdar artist Şövqi Hüseynov 2018-ci il mayın 10-dan 16-dək Makedoniyanın Bitola şəhərində keçirilən “XX Beynəlxalq Monodram” festivalında uğurla iştirak edərək vətənə Qran Pri mükafatı ilə dönüb.

Teatrdan Kulis.aza verilən məlumata görə, festivalda Patrik Zuskindin "Kontrabas" əsəri əsasında hazırlanmış eyniadlı monotamaşa ilə iştirak edən aktyor münsiflər heyəti tərəfindən yekdil olaraq festivalın yeganə mükafatına layiq görülüb.

Aktyor səfər təəssüratlarını bölüşərkən bildirib ki, festivalda güclü, modern tamaşalar var idi. Onlarla rəqabət aparıb yeganə mükafatı Azərbaycan adına qazanmaq əlbəttə ki, həm gözlənilməz uğur, həm də böyük sevinc hissləri yaşatdı. “Hesab edirəm ki, bu mükafat xarici ölkədə təkcə Azərbaycan Dövlət Gənc Tamaşaçılar Teatrının deyil, ümumilikdə Azərbaycan teatrının uğurudur” –deyə teatrın direktoru , Əməkdar incəsənət xadimi Mübariz Həmidov bildirmişdir.

Festivalda Makedoniya, Bosniya, ABŞ, Polşa, Rusiya, Xorvatiya , Bolqarıstan teatrları təmsil olunub.

Azərbaycanlı aktyorun uğuru Makedoniyada yerli telekanallar tərəfindən işıqlandırılıb, çoxsaylı süjetlər, radio müsahibələr hazırlanıb.

• "Koroğlu" filminin pərdəarxası gizlinləri - Azər Turan
• Bəstəkarlar İttifaqının 90 illik yubileyi silsiləsindən yeni kitablar işıq üzü görüb
• “Gənclər və Türk dünyası mədəniyyəti” adlı tədbir keçirilib