2013-cü ildə Uilyam Folknerin "Nobel” ədəbiyyat medalının satışa çıxarılması ilə mübahisəli bir ənənənin əsası qoyuldu.
Folknerin medalının 500 min – 1 milyon dollar arası məbləğə satılacağı düşünülsə də, medala maraq göstərən olmamışdı. Ötən il isə Andre Jidenin medalı Parisdə hərraca çıxarılmış və 300 min avroya alıcı tapmışdı. Bu il isə "Nobel” ədəbiyyat mükafatının azsaylı qadın sahiblərindən Doris Lessinqin medalının auksiona hazırlaşdığı xəbəri yayıldı.
"Guardian”-da yer alan xəbərdə bildirilir ki, Lessinqin 87 yaşında layiq görüldüyü medal üçün təkliflərin başlanğıc qiyməti 250 min funt sterlinq olacaq. Lakin auksionerlər bu medal üçün qoyulan başlanğıc qiymətinin çox yüksək olduğunu düşünür. Ekspertlərin fikrincə, medal üçün qiymətlər 150 min funt sterlinqdən başlasa, alıcı tapması asanlaşar.
Hərrac mərkəzindən ekspert Sofi Hopkins qiymət məsələsi ilə bağlı açıqlama verib: "Bu mükafatın çox az sayda qadın sahibi var. Lessinq isə bu azsaylı qaliblərdəndir. Üstəlik onun həyat yolu, apardığı mübarizə, qazandığı uğurlar ona aid olan hər şeyin dəyərini artırır”. /artkaspi.az/
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
