“ATV Kitab” seriyasından ilk kitab artıq çap edilib. Kulisin məlumatına bu İsveç yazıçısı və dramaturqu Avqust Yuhan Strindberqin “Tənha” romanı romanıdır.

Kitab “Parlaq imzalar” nəşriyyatında çap edilib.

Romanı dilimizə istedadlı yazıçı və tərcüməçi Rəbiqə Nazimqızı çevirib.

“ATV Kitab” layihəsinin redaksiya heyətinə Vüqar Qaradağlı (sədr), Məsiağa Məhəmmədi, Cavanşir Yusifli, İlqar Fəhmi, Səlim Babullaoğlu (layihə rəhbəri), Seyfəddin Hüseynli və Dilman Şahmərdanlı daxildir. Buraxılışa məsul “Parlaq imzalar” nəşriyyatının direktoru Nurman Tariqdir.

Tәrcümә Bәdii Tәrcümә vә Әdәbi Әlaqәlәr Mәrkәzinin iştirakı ilә hazırlanmışdır.

Avqust Strindberq (1849–1912) XX əsr Avropa sivilizasiyasının böyük mütəfəkkirlərindən hesab olunur. Onun bir çox əsərləri prinsipial süjetsizliyi ilə seçilir, burada intriqa, hadisə, personajlar arasında əlaqə yoxdur, o daha çox təəssüratlarını və müşahidələri fiksə etməyə üstünlük verir.

A.Strindberq “Qırmızı otaq” (1879), “Qulluqçu oğlu”(1886–1887), “Dəlinin etirafı” (1888),“Qayalıq adalarda”(1890), “Tənha” (1903), “Qotik otaqlar” (1904) və başqa romanların “Xoşbəxt Perin səyahətləri” (1882), “Ata” (1887), “Yoldaşlar” (1887), “Freken Yuliya” (1888), “Borc verənlər” (1888), “Kim güclüdür” (1989), “Pariya” (1989), “Səmum(1989), “Ölümqabağı” (1892), “Bağlar” (1892) kimi dram əsərlərinin müəllifidir.

“Tənha” (1903) romanı Strindberqin 1902-1903-cü illərdəki mənəvi axtarışlarının nəticəsidir. Yazıçının özü bu əsəri avtobioqrafik romanları sırasına aid edir. Əsərdə müəllifin həyatının bir dövrü, özü də onun həyatında tez-tez rast gəlinməyən harmonik bir dövrü əks olunub. Yazıçı elə bir reallıq və adamların dövrəsindədir ki, ruhi-mənəvi böhrandan xilas olur, onu zəncirləyən problemlərdən uzaqda dayana bilir. Tənhalıq burda adamlardan zahiri təcrid kimi anlaşılmır, əksinə, varlığın mənası ilə bağlı axtarışların tarıma çəkdiyi şüurun dərin qatlarına başvurmanı ehtiva edir. “Tənha” romanı Hamsunun “Aclıq” və “Misteriyalar”, Hessenin “Yalquzaq” kimi romanları ilə bir sırada dayanır, Avropa nəsrinin bu mənada şedevrlərindən hesab edilir.

Kitabı şəhərin əksər kitab dükanlarından əldə etmək olar. Eyni zamanda internet üzərindən və telefonla da kitabı sifariş eləmək olar.

www.parlaqimzalar.az

055 259 72 59

• “Köhnə çamadanlar” Türkiyədə nümayiş olunacaq
• "Evdə tək"in aktyoru yeni seriala çəkilir
• Məryəm Üzərli yeni serialda