Bu gün Sumqayıtda S.Vurğun adına Mərkəzi Kitabxanada Cəfər Cabbarlının 120 illiyi ilə əlaqədar müsabiqəyə yekun vurulub.

Kulis.az-ın Nazirliyin saytına istinadən verdiyi xəbərə görə, müsabiqə Sumqayıt Regional Mədəniyyət İdarəsinin və şəhər Gənclər və İdman Baş İdarəsinin dəstəyi ilə keçirilib.

Kitabxananın şöbə müdiri Zemfira Mirzəyeva ədibin həyatı və yaradıcılığı haqqında geniş məlumat verib. Sonra iştirakçıların ifasında monoloqlar dinlənilib.

Münsiflər heyətinin üzvləri - yazıçı-ssenarist, “Zərdabi” mükafatı laureatı Hafiz İmamnəzərli, AYB-nin Sumqayıt Bölməsinin sədri şairə Gülnarə Cəmaləddin, Əməkdar artist Fəarə Musayeva, aktyor Akif Mirzəyev, Sumqayıt Mərkəzi Kitabxana Sisteminin direktoru, Əməkdar mədəniyyət işçisi Yeganə Əhmədova, Gənclər və İdman Baş İdarəsinin əməkdaşı Pərvin Rəsulovun qərarı ilə Mərkəzi Kitabxananın Uşaq şöbəsinin oxucusu Müzəffər Qurbanov, Nizami Gəncəvi adına Kitabxana Klubun oxucusu Araz Hacıyev birinci yerə, M. Rəsulzadə adına Kitabxananın oxucusu Cavidan İsmayıl, incəsənət şöbəsini oxucusu Ayan Hüseynli ikinci yerə, Mərkəzi Uşaq Kitabxanasının oxucusu Gülgün Qasımzadə, Ə. Vahid adına Kitabxana filialın oxucusu Adilə Məmmədova üçüncü yerə layiq görülüblər.

Müsabiqənin qalibləri fəxri fərman və hədiyyələrlə mükafatlandırılıb, fərqlənənlərə təşəkkürnamə təqdim edilib.

• Dünya şöhrətli dirijor Filarmoniyada
• Məşhur animelərin prodüseri pedofiliyada günahlandırıldı
• Cahangir Zeynallının yaradıcılıq gecəsi keçirildi