“İçərişəhər” Dövlət Tarix-Memarlıq Qoruğu İdarəsinin dəstəyi ilə Autizm Məlumatlandırma Günü çərçivəsində Qız qalası mavi rənglə işıqlandırılıb.

“Mavi işıqla işıqlandır” (“Light It Up Blue”) layihəsində məqsəd autizmli uşaqların və onların ailələrinin problemlərini cəmiyyətin diqqətinə çatdırmaqdır.

Qeyd edək ki, 2008-ci ildən başlayaraq hər il aprelin 2-də Dünya Autizm Məlumatlandırma Günü qeyd edilir. Bu barədə BMT Baş Məclisi 2007-ci il dekabrın 18-də qətnamə qəbul edib. 2010-cu ildən isə ABŞ-ın “Autizm Speaks” təşkilatı tərəfindən həyata keçirilməyə başlayan “Mavi işıqla işıqlandır” layihəsi bu günün önəm və mahiyyətini simvolizə edir, bütün dünyanın diqqətini autizmdən əziyyət çəkən uşaqlara yönəldir. “Mavi işıqla işıqlandır” layihəsi indiyədək dünyanın 136 ölkəsində 600-dən çox şəhərdə tarix və memarlıq abidələrinin üzərində həyata keçirilib.

Bakı ilk dəfə 2012-ci ildə Heydər Əliyev Fondunun və UNICEF-in dəstəyi ilə “Mavi işıqla işıqlandır” aksiyasını həyata keçirmək üçün dünyanın digər şəhərlərinə qoşulmuş və Milli Parkdakı Bakı Biznes Mərkəzinin binası mavi işıqla işıqlandırılmışdır. Artıq beşinci ildir ki, həyata keçirilən “Mavi işıqla işıqlandır” aksiyası getdikcə yayılmaqda olan autizm xəstəliyi haqqında insanların məlumatını artırmağa yönəldilmiş qlobal təşəbbüsdür. Həmin gün Yer kürəsinin müxtəlif ölkələri öz dəstəklərini göstərmək üçün şəhərlərinin ən nəzərə çarpan binalarının birini və ya bir neçəsini mavi işıqla işıqlandırır./azertag.az/

• "Verilişlə bağlı təklifim budur ki..." - "Ötən günlər" haqqında
• Faciəvi şəkildə vəfat edən gənc şairin kitabı çap olunacaq
• Nolanın yeni filmində bu aktyorlar oynayacaq