İlham Namiq Kamal yeni obrazda - PREMYERA

İlham Namiq Kamal yeni obrazda - <span style="color:red;">PREMYERA
21 noyabr 2017
# 15:09

Azərbaycan Dövlət Musiqili Teatrında bəstəkar Rauf Hacıyevin “Qafqazlı qardaşqızı” operettasının tamaşası hazırlanıb.

Dövlət Musiqili Teatrının mətbuat xidmətindən Kulis.az-a verilən xəbərə görə, noyabrın 24-də baş tutacaq nümayişin özəlliyi Xalq artisti, “Şöhrət” ordenli İlham Namiq Kamalın tamaşada iştirakı ilə bağlıdır.

İlham Namiq Kamal bu tamaşada baş rolu – Bəbirli obrazını canlandıracaq. “Musiqili teatrın rus bölməsi tərəfindən hazırlanan bu məşhur operettada ilk dəfə səhnəyə çıxacağam. Bəbirli çox xarakterik bir obrazdır. Koloritli olduğu qədər də özünəməxsus düşüncə tərzinə malikdir. Rauf Hacıyevin musiqisi isə şedevrdir. Bir məqamı xüsusi qeyd etmək istərdim, peşəkar aktyor üçün dil faktoru yoxdur. Əsas aktyorun plastikası, məharəti, oynadığı obrazı doğru-düzgün təqdim etmək bacarığına sahib olmasıdır. İnanıram ki, tamaşaçılar mənim ifamda Bəbirlini sevəcəklər”, - deyə İlham Namiq Kamal bildirib.

Beynəlxalq layihə kimi teatrın tarixinə yazılan tamaşanın quruluşçu rejissoru Əməkdar incəsənət xadimi Əli Usubov, quruluşçu dirijoru Əməkdar incəsənət xadimi Nazim Hacıəlibəyov, quruluşçu rəssamı Moskvadan dəvət olunmuş Rusiya Rəssamlıq Akademiyasının həqiqi üzvü, professor Dmitri Çerbadji, quruluşçu baletmestrləri Əmdar artist Zakir Ağayev və Leyla Ağayevadır. Tamaşada rolları Əməkdar artistlər Boris Qrafkin, Svetlana Bulax, Səidə Şərifəliyeva, aktyorlar Firuz Məmmədov, Yuliya Heydərova, Rauf Babayev, Nicat Əli və Əliməmməd Novruzov ifa edirlər.

# 1285 dəfə oxunub

Oxşar xəbərlər

Elton Con korluğundan danışdı: "Oğullarımla idman yayımları izləyə bilmirəm"

Elton Con korluğundan danışdı: "Oğullarımla idman yayımları izləyə bilmirəm"

16:00 5 aprel 2025
"Bu adamları kim işə götürüb?" - Mədəniyyət Nazirliyinin müəllim qalmaqalı

"Bu adamları kim işə götürüb?" - Mədəniyyət Nazirliyinin müəllim qalmaqalı

15:06 5 aprel 2025
İnqilabçı sevgi şeiri yazarmı? - Qismət Rüstəmov

İnqilabçı sevgi şeiri yazarmı? - Qismət Rüstəmov

13:17 5 aprel 2025
Asəf Zeynallı kimdir?

Asəf Zeynallı kimdir?

13:00 5 aprel 2025
Lənkəran Dövlət Teatrına yeni təyinat

Lənkəran Dövlət Teatrına yeni təyinat

12:01 5 aprel 2025
Şuşa Teatrına yeni təyinat

Şuşa Teatrına yeni təyinat

10:43 5 aprel 2025
# # #