Noyabrın 6-da Azərbaycan Dövlət Akademik Opera və Balet Teatrında Xalq artisti, bəstəkar Ramiz Mustafayevin “Vaqif” operası nümayiş olunacaq.

Teatrdan bildirilib ki, tamaşada əsas partiya - şair Vaqifin obrazını Azərbaycanın Əməkdar artisti Ramil Qasımov ifa edəcək.

R.Qasımovla yanaşı, səhnə əsərində, həmçinin Xalq artistləri Əli Əsgərov, Əkrəm Poladov, Əməkdar artistlər Fəridə Məmmədova, Fərid Əliyev, Cahangir Qurbanov, Tural Ağasıyev, solistlərdən beynəlxalq müsabiqələr laureatı Taleh Yahyayev, Nina Makarova və başqaları çıxış edəcəklər.

• Etibar Əliyev: "Tərbiyəm imkan vermir ki, sizə ayıb olsun deyim"
• Şeytan işi - Kamal Abdullanın yeni hekayəsi
• "Düyməcik" tamaşasının premyerası keçiriləcək

Opera Əməkdar artist, dirijorların beynəlxalq müsabiqələrinin laureatı Əyyub Quliyev tərəfindən idarə olunacaq.

Tamaşanın quruluşçu rejissoru Əməkdar incəsənət xadimi Hafiz Quliyev, xormeysteri Əməkdar incəsənət xadimi Sevil Hacıyeva, quruluşçu rəssamı Əməkdar mədəniyyət işçisi Yusif Babayev, konsertmeysteri Aysel Məlikovadır.

• Etibar Əliyev: "Tərbiyəm imkan vermir ki, sizə ayıb olsun deyim"
• Şeytan işi - Kamal Abdullanın yeni hekayəsi
• "Düyməcik" tamaşasının premyerası keçiriləcək