İyunun 27-də Beynəlxalq Muğam Mərkəzində Azərbaycanın Əməkdar rəssamı, Türkiyənin Yeditepe Universitetinin dosenti, Rusiya Rəssamlıq Akademiyasının fəxri üzvü Teymur Rzayevin 60 illik yubileyi münasibətilə tədbir keçirilib.

Əvvəlcə Muğam Mərkəzinin foyesində rəssamın əsərlərindən ibarət sərgiyə baxış olub.

Tədbirdə çıxış edən Mədəniyyət nazirinin birinci müavini Vaqif Əliyev Teymur Rzayevin fəaliyyəti haqqında danışıb. O deyib ki, istedadlı rəssam Teymur Rzayev həm də fəal ictimai xadimdir. Onun indiyədək çoxlu əsərləri sərgilənib.

Diasporla İş üzrə Dövlət Komitəsinin sədr müavini Valeh Hacıyev ölkəmizdə mədəniyyət və incəsənət xadimlərinə göstərilən diqqət və qayğıdan danışıb. O, Teymur Rzayevin xalqlar arasında dostluq əlaqələrinin möhkəmləndirilməsi və Azərbaycan diasporunun inkişafında göstərdiyi xidmətləri qeyd edib.

Beynəlxalq Türk Mədəniyyəti və İrsi Fondunun prezidenti Günay Əfəndiyeva bildirib ki, Teymur Rzayevin əsərləri dünyanın rəsm qalereyalarını bəzəyir. O deyib ki, Teymur Rzayev çox istedadlı rəssam, eyni zamanda, mükəmməl pedaqoqdur. Onun türk dünyasında müstəsna xidmətləri var.

Çıxışın sonunda Günay Əfəndiyeva Türk Dünyası sənət irsinin təbliğinə verdiyi töhfələrə görə Teymur Rzayeva fəxri diplom təqdim edib.

Azərbaycanın TÜRKSOY-dakı nümayəndəsi Elçin Qafarlı təşkilatın Baş katibi Düsen Kaseinovun Teymur Rzayevə təbrik məktubunu oxuyub.

Azərbaycan Rəssamlar İttifaqının katibi, Xalq rəssamı Ağaəli İbrahimov Teymur Rzayevin sənətkar kimi daim axtarışda olduğunu bildirib.

Sonra rəssamın 60 illik yubileyinə həsr edilən film nümayiş olunub.

Yubiley tədbiri konsert proqramı ilə davam edib.

• "Kənan MM-in ağız boşluğunda yuva salmış bu üfunət bir az da..." - Babək Məmmədli
• Gənc Tamaşaçılar Teatrında yeni tamaşanın oxunuş məşqlərinə başlanıldı
• Saleh Bağırov: "Əxlaqsızlığı təbliğ etməkdə məqsədiniz nədir?"