Avqustun 19-da ADO teatrında keçirililən “Azərbaycan mədəniyyəti bu gün” adlı karikatura müsabiqəsi başa çatıb.

Kulis.az xəbər verir ki, yayihənin məqsədi Azərbaycan mədəniyyətinin bugünkü durumuna karikaturistlərin gözü ilə baxmaq və ölkəmizdə karikatura sahəsinə diqqət yaratmaq olub.

Müsabiqənin ilk mərhələsindən 19 nəfər keçib və 24 karikatura sərgidə iştirak edib. Rəssam Şahin Quliyev seçim turundan və işlərin mahiyyətindən danışıb. Teatrın qurucusu Elmin Bədəlov isə gələcəkdə müxtəlif səpkili müsabiqələrin təşkil olunacağını qeyd edib.

Teatr heyəti iştirakçılara uğurlar arzulayıb və onların müsabiqəyə göndərdiyi işləri yüksək qiymətləndirdiklərini vurğulayıblar. İşlər arasında kəskin dərəcədə fərqlənən karikatura olmadığı üçün 1-ci yer ləğv edilib, əvəzində bir ədəd 3-cü yer və dörd ədəd həvəsləndirici yerlər açılıb. Teatr hesab edib ki, bununla daha çok karikatüristin həvəslənməsinə nail olacaq.

Beləliklə müsabiqənin qalibləri açıq elan olunub:

2-ci yer: Elmail Qulami “Mədəni Niyyət” (200 azn)

3-cü yer: Şəhriyar Sarica “Göylərin ümidinə” (100 azn)

3-cü yer: Namiq Aslan “Telekanalizasiya” (100 azn)

Həvəsləndiricilər:

Fərid Hüseynli “Başı bağlanmış səhnə” (50 azn)

Soltanlı Eyvaz “Popo Star” (50 azn)

Quliyeva Banu “Səhnədən kənar tamaşa” (50 azn)

Quliyeva Sevinc “Müasirləşirik” (50 azn)

Eyni zamanda teatr işlərdən ibarət kataloq da hazırlayıb. Kataloqa iştirakçıların işləri, müsabiqənin məqsədi və ötən il teatrda geçirilmiş gənc rəssamların işlərindən ibarət “Qırmızı Bazar” adlı sərgi haqda məlumat da əlavə edilib.

Sərgidə bütün iştirakçılara sertifikalar və kataloq təqdim olunub. İştirakçılar gələcəkdə teatrla əməkdaşlıqlarını gücləndirəcəklərini bildiriblər.

• Aktrisa oynadığı obraza görə saxlanıldı - Terror təbliğatında ittiham
• "Ada", bank hesabları... - Tayfurun vəsiyyəti haradadır?
• "Anar müəllimdən xahiş edən sonra orda-burda danışır ki, Yazıçılar Birliyindəkilər nə iş görür?" - İlqar Fəhmi ilə müsahibə