Mirzə Ələkbər Sabirin xatirəsi anılıb

Mirzə Ələkbər Sabirin xatirəsi anılıb
30 may 2018
# 16:29

Mayın 30-da Cəlil Məmmədquluzadənin ev-muzeyinin təşkilatçılığı ilə Bakıdakı Mirzə Ələkbər Sabirin xatirə günü keçirilib.

Görkəmli şairin adını daşıyan bağda keçirilən tədbirdə Azərbaycan ədəbiyyatının görkəmli nümayəndəsi Mirzə Ələkbər Sabirin yaradıcılığından onun xatirəsinə göstərilən dövlət qayğısından, şairə xalq məhəbbətindən söhbət açılıb.

Azərbaycan Yazıçılar Birliyinin üzvü, Əməkdar Müəllim Oqtay Rza 1961-ci ildən başlayaraq hər il şairin doğum günündə keçirilən Sabir poeziya günlərinin, anım mərasimlərinin əhəmiyyətindən, Sabirə ümumxalq məhəbbətindən və onun xatirəsinin daim xalqımız tərəfindən geniş qeyd olunmasından danışıblar.

Tədbirdə Cəlil Məmmədquluzadənin ev-muzeyinin böyük elmi işçisi Yeganə Məmmədova, elmi işçisi Fazilə Hümmətova, şairə-publisist Zərəngiz Qayalı, Əməkdar Müəllim Məlahət Babakişiyeva və digərləri görkəmli şairin öz əsərləri ilə Azərbaycan ədəbiyyatını yalnız məzmunca deyil, formaca da zənginləşdirdiyini bildiriblər. Onun zəngin bədii irsinin, o cümlədən “Molla Nəsrəddin” jurnalında nəşr etdirdiyi mənzumələrin nəinki Azərbaycanda, Yaxın və Orta Şərqdə ədəbi-ictimai fikrin, inqilabi-demokratik hərəkatın inkişafına qüvvətli təsir göstərdiyini söyləyiblər.

Sonda Bakıdakı 20 və 150 nömrəli orta məktəblərin şagirdlərinin və “Aytam” Uşaqların Mədəni Maariflənməsi İctimai Birliyinin üzvlərinin ifasında Sabirin şeirləri səsləndirilib. /azertag.az/

# 1487 dəfə oxunub

Oxşar xəbərlər

"Molla Nəsrəddin" necə Allahsızlar İttifaqının orqanına çevrildi?

"Molla Nəsrəddin" necə Allahsızlar İttifaqının orqanına çevrildi?

14:19 7 aprel 2025
Azərbaycan Radiosunun tarixi - İlham Rəhimli

Azərbaycan Radiosunun tarixi - İlham Rəhimli

13:56 7 aprel 2025
Bütün "xalalar" Veneradan gəlib, bütün fahişələr yadellidir - Cəlil Cavanşir

Bütün "xalalar" Veneradan gəlib, bütün fahişələr yadellidir - Cəlil Cavanşir

13:48 7 aprel 2025
Cem Yılmaz “X” hesabını bağladı

Cem Yılmaz “X” hesabını bağladı

13:31 7 aprel 2025
İlham Qəhrəmanın yeni kitabları çap olundu

İlham Qəhrəmanın yeni kitabları çap olundu

13:00 7 aprel 2025
Ədəbi və əbədi ehtiyac - Pərvanə Bayramqızı

Ədəbi və əbədi ehtiyac - Pərvanə Bayramqızı

12:23 7 aprel 2025
# # #