Azərbaycanın 10 məşhur aşiq tipi

Azərbaycanın 10 məşhur aşiq tipi
5 may 2015
# 20:00

Kulis məşhur aşiq tiplərini təqdim edir.

1. “Elimi sallasam ellisi”. Bu tiplər dörd bir tərəfin sevgili ilə coşub-daşdığını düşünürlər. Elə bilirlər ki, bütün xalqların qızları onun yolunu gözləyir. Aqibətləri isə: “Xalan qızı da böyüyüb e”.

2. Qayıtmırsa zatən sənin deyilmiş. Belələri boş təsəllilər taparlar, ağ kağızlara ürək deşən ox şəkli çəkərlər. Sevgililərinin nə istədiklərini anlamaq əvəzinə (hərçənd bu qədər asan da deyil) söhbətə aidiyyatı olmayan sözlərlə ovunarlar. Və onların sevgililəri əsla qayıtmaz. Çünki qadınlar belələri ilə xoşbəxt olmadıqlarını gözəl anlayarlar.

3. Ya mənim olmalısan, ya qara torpağın. Ən təhlükəli sevgili halıdır. Belələri qara rəngli paltarlar geyinərlər, beş-altı aforizm bilərlər. Onlardan qorxmaq lazımdır. Polat Ələmdarı özünə ideal sayan adamdan nə gözləmək olar?

4. Təki sən xoşbəxt ol. “Ayrılsak da mutluluk dilerim sana” mahnısı onların ruh halətinə ən uyğun mahnıdır. Sevəndə də ürəkdən sevərlər, ayrılanda da göz yaşında olsa belə öz centlmenliklərini göstərərlər.

5. Doyurmaz gözünü kasıb sevdası. Belələri daim kasıblıqlarına istinad edərlər, elə bilərlər ki, qızın onu tərk etmək səbəbi kasıb olmalarıdır.

6. Getmə, yoxsa udaram bütün yuxu həblərini. Onlar da öz intiharları ilə daim sevgililərini qorxudarlar, lakin anlamazlar ki, qorxu ilə sevgi bina ola bilməz.

7. Məndən özgəsini sevə bilməzsən. Belələri özlərini “cool” apararlar, elə bilərlər ki, onlardan daha gözəli, daha yaxşısı yoxdur. Yanlış düşündüklərini deməyə gərək varmı?

8. Mən sənsiz ölmədim, məni bağışla. Belələrini özləri başda olmaqla heç kim anlamaz. Qız neyləsin?

9. Zaten burnu əyriydi. “Nəyimi sevmişdin deyə bilmədin, indisə yüz eyib görürsən məndə” misraları bu adamlar üçündür. Qızdan ayrılar, sonra isə min eyib taparlar. Hətta bəzən onun əxlaqı haqda da danışmağı özlərinə rəva görərlər.

10. Özümə tay qız axtarıram. Belələri ucuz kafelərdə müasir qadın necə olmalıdır mövzusunda ictimai mühazirə oxuyar, sonra da gedib dayısıqızlarını alar.

# 2126 dəfə oxunub

Oxşar xəbərlər

3 yaşlı qardaşını 6 yaşlı qardaşına tapşırdı - KimsəBizlər

3 yaşlı qardaşını 6 yaşlı qardaşına tapşırdı - KimsəBizlər

16:28 26 aprel 2025
Əli Mirəliyev reanimasiyaya yerləşdirildi

Əli Mirəliyev reanimasiyaya yerləşdirildi

14:34 26 aprel 2025
Napoleonun şəxsi qılıncı hərraca çıxarıldı - FOTO

Napoleonun şəxsi qılıncı hərraca çıxarıldı - FOTO

13:00 26 aprel 2025
Britaniya şahzadəsini zorlamada ittiham edən qadın özünü öldürdü

Britaniya şahzadəsini zorlamada ittiham edən qadın özünü öldürdü

11:41 26 aprel 2025
Azərbaycanlıları öldürən m*rc oyunları – Bu “killeri” kimlər göndərib?

Azərbaycanlıları öldürən m*rc oyunları – Bu “killeri” kimlər göndərib?

11:00 26 aprel 2025
Azərbaycan milli mətbuatının 150 illik yubileyi keçiriləcək - Sərəncam

Azərbaycan milli mətbuatının 150 illik yubileyi keçiriləcək - Sərəncam

17:49 25 aprel 2025
# # #