Aktyor Fərda Xudaverdiyev oynadığı “Bacanaqlar” serialından ayrılıb.
O bildirib ki, qonorara görə ekran işindən uzaqlaşıb:
“Hazırda bir tək “Niyə?” serialında çəkilirəm. İşimiz gərgindir. Eyni zamanda paralel olaraq “Bacanaqlar” serialında çəkilirdim. Ancaq maliyyə problemləri oldu deyə, Elməddinlə razılaşıb, çıxdım. Ona dedim ki, mən də yoruluram, sən isə maliyyə baxımından yüklənirsən. O, mənə qardaş kimidir”.
- "Seyran Səxavətə beş dəqiqə azdı, o, altı dəqiqə danışacaq!" - Reportaj
- "Adım bir kişi ilə hallanmayıb" - İlhamə Elşadqızı hakim qarşısında
- Dənizə boylanan sirli dəhlizlər – Səngəçal karvansarasından reportaj - APA TV
Xudaverdiyev qeyd edib ki, başqa serial təkliflərinə “hə” deməyəcək:
“Başqa serial təklifi olsa, razılaşmayacağam. Çünki “Niyə?”nin baxımlı olmasının ilkin səbəbi “Asiman” obrazının yalnız bu serialda olmasıdır. Yay aylarında mövsüm finalı edəcəyik. Ondan sonra filmə çəkiləcəyəm”.
Qeyd edək ki, Fərda sonuncu dəfə “Bacanaqlar – 10 il” serialında “Şahbaz” obrazını canlandırırdı./axsam.az/