Ötən şənbə günü Atatürk Mərkəzində tanınmış şair, yazıçı Qurban Yaquboğlunun "Mən yoxam" kitabının təqdimat mərasimi və imza günü keçirlib.

Kulis.az xəbər verir ki, tədbiri giriş söz ilə jurnalist Azər Qaraçənli açaraq ilk sözü bu il 50 yaşı tamam olan Qurban Yaquboğluna verib.

Daha sonra müəllifin həmyerlisi, onun şeirlərini ilk dəfə rayon qəzetində çap edən şair-yazıçı Zahid Sarıtorpq danışıb.

Q.Yaquboğlunun orta məktəb müəllimi olmuş Alxan Bayramov o illəri xatırlayıb.

Daha sonra çıxış edən millət vəkili Fazil Mustafa, APA holdingin prezidenti Vüsalə Mahirqızı, "Gündəlik Teleqraf" media qrupunun rəhbəri Aynur Camal, diktor Rafiq Haşımov, ilahiyyatçı Nəriman Qasımoğlu, tənqidçi İradə Musayeva, kitabın naşiri "Qanun" nəşrlər evinin rəhbəri Şahbaz Xuduoğlu çıxış edərək müəllif və onun yaradıcılığı ilə bağlı maraqlı faktlar söyləyib, xatirələr danışıblar.

Eyni adlı romanın və esselərin toplandığı kitabın redaktoru Fəxri Uğurlu və kitabın nəşrdən əvvəl ilk oxuculardan olan yazıçı Şərif Ağayarsa konkret olaraq əsər barədə fikir və mülahizələrini bölüşüb, kitabın ədəbiyyatımızdakı yerindən, onun bədii-estetik dəyərindən söz açıblar.

Tədbirdə yazıçılar, müxtəlif sənət adamları, müəllifin yaxınları və dostları, eyni zamanda media işçiləri iştirak ediblər.

Qeyd: Kulis.az yaxın günlərdə oxucu marağını nəzərə alıb “Mən yoxam” romanından bir hissəsni yayımlayacaqdır.

• "Cibimiz boş, ürəyimiz dolu vaxtlarımızda... " - Eyvaz Əlləzoğlunun qarşısında niyə keçmiş üzüqara idi?
• Üzvlük haqqını ödəməyən yazıçılar AYB-dən çıxarıldı
• Xalq yazıçısı Kamal Abdullanın “Ruh” əsəri əsasında hazırlanan tamaşa nümayiş olundu