Cəlilabad rayonunda uzun illərdir pedaqoji fəaliyyətlə məşğul olan şair Zülfi Vellidağın şeirlər kitabı işıq üzü görüb. Kulis.az-ın xəbərinə görə, oxuculara təqdim olunan "Sükutun dili" müəllifin ilk kitabıdır.

Kitabda müəllifin ictimai, siyasi, fəlsəfi və s. mövzularda yazdığı şeirlər, təmsil və bayatılar toplanıb.

Qeyd edək ki, Zülfi İbrahim oğlu Məcidli (Vellidağ) 12 fevral 1951-ci ildə Cəlilabad rayonunun (keçmiş Astarxan-bazar) Şatırlı kəndində ziyalı ailəsində anadan olub. 1964-cü ildə Şatırlı kənd səkkizillik məktəbini, 1966-cı ildə isə Ləkin kənd orta məktəbini bitirib. 1967-ci ildə N.Tusi adına APU-nun (keçmiş V.İ.Lenin adına APİ-nin) filologiya fakültəsinə daxil olub. 1968-ci ildən təhsilini davam etdirməklə bərabər, pedaqoji fəaliyyətə başlayıb, bədii yaradıcılıqla məşğul olub. "Əmək nəğməsi" adlı ilk şerini (1970) xalq şairi S.Vurğunun yaradıcılığından təsirlənərək yazıb. Şerləri ara-sıra "Taxılçı", "Yeni gün", "Münasibət", "Sovet kəndi", "Azərbaycan gəncləri", "Ədəbiyyat və incəsənət" qəzetlərində, həmçinin "Ulduz", "Sözün işığı", kimi ədəbi-bədii jurnallarda dərc edilib. Qazaxıstanda Azərbaycan və qazax dillərində çıxan "Otan" qəzeti onun yaradıcılığının xüsusi bir səhifə həsr edib.

• Bu gün onun ölüm xəbərini oxuyanda... - Babək Məmmədli
• Almanların Rusiyadakı yeraltı şəhəri - Konyak şüşəsi, yoxsa ölüm mələyi?
• Mələkxanım Eyubova ilə görüş keçiriləcək