Şuşada keçirilən “Xarıbülbül” IX Beynəlxalq Musiqi Festivalında memarlıq incisi – Xan qızı Natəvanın sarayının qarşısında türk musiqi mədəniyyətinə yeni nəfəs gətirən Qazaxıstanın “Turan” Etno-Folk Ansamblının konserti keçirilib.
Kulis.az xəbər verir ki, kollektivin ifasında Türk dünyasının musiqisi səslənib. Ansambl folklor musiqisini müasir tələblərə uyğunlaşdıraraq dünya səhnəsinə çıxarmağa nail olub.
“Turan” kollektivinin yaradıcılığını insanları qədim kökləri ilə birləşdirən metamusiqi kimi dəyərləndirmək olar.
“Turan”ın yaradıcılığı universal olaraq irsi, milli, dil sərhədləri tanımır və hər dinləyicinin qəlbinə yol taparaq dərin hisslər oyadır. Ansambl dünyanın 122 regionunda 3 minə yaxın solo konsert proqramı ilə çıxış edib. Kollektivin əsas missiyası isə türk xalqlarının musiqi vasitəsilə birliyidir.
Festivalda musiqi kollektivinin ifasında Azərbaycanın “Ay, Laçın” əsəri də səslənib.
Qeyd edək ki, mayın 15-də - festivalın ikinci günündə də qonaqları zəngin musiqi proqramı gözləyir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər