Bakı Ağır Cinayətlər Məhkəməsində Milli Televiziya və Radio Şurası sədrinin sabiq müşaviri, Bakıda 3 nəfərin külli miqdarda vəsaitini dələduzluq yolu ilə mənimsəməkdə təqsirləndirilən Ramin Quliyevin məhkəmə araşdırması başlayıb.

Kulis.az Lent.az-a istinadən xəbər verir ki, hakim Elnur Nuriyevin sədrliyi ilə keçirilən prosesdə dövlət ittihamçısı Tural Yaqubov təqsirləndirilən şəxsə ittiham aktinı elan edib.

Təqsirləndirilən Ramin Quliyev ona qarşı irəli sürülən ittihamla özünü təqsirli bilməyib.

İttiham aktına görə, Ramin Quliyev Qarabağ ərazisində tikinti materialları satmaq adı ilə paytaxt sakini və yaxin münasibətdə olduğu Aynurə Vəliyevadan ayrı-ayrı vaxtlarda müxtəlif məbləğlərdə ümümilikdə 110 min manat alaraq mənimsəyib.

Ramin Quliyevdən zərər görən digər şəxs isə paytaxt sakini Vüqar Qasımov olub. O, əmlak məsələləri ilə bağlı zərərçəkənin 15 min manatını ələ keçirərək verdiyi vədə əməl etməyib.

Təqsirləndirilənin etibarından sui-istifadə etdiyi digər zərərçəkən isə Aybəniz Adullayevadır. İttihamda bildirilir ki, Ramin Quliyev Aybəniz Abdullayevanı da eyni üsulla, yəni tikinti materialları alaraq Qarabağda satıb qazanc əldə etmək adı ilə 76 min manatını mənimsəyib.

Məhkəmə növbəti prosesin 12 dekabra təyin olunduğunu elan edib.

Xatırladaq ki, R. Quliyev barəsində Cinayət Məcəlləsinin 178.3.2-ci ( dələduzluq külli miqdarda törədildikdə) maddəsi ilə cinayət işi açılaraq ittiham irəli sürülüb, barəsində həbs qətimkan tədbiri seçilib.

Qeyd edək ki, Ramin Quliyev ifadəsi zamanı əvvəllər Milli Televiziya və Radio Şurasında müşavir vəzifəsində çalışdığını deyib.

• Azərbaycanlı şair Cəfər Pənahinin filminin nümayişində çıxış etdi
• Bu gün Azərbaycanda “Xalçaçı Günü”dür
• “Sözün varsa, de!” filminin çəkilişləri davam edir