Türkiyədə arxeoloqlar İsa Məsihin "Yaxşı çoban" obrazında təsvir olunduğu nadir freska aşkar ediblər.
Kulis.az xəbər verir ki, bu barədə "Daily Star" nəşri məlumat yayıb.
III əsrə aid edilən bu qədim rəsm İznik şəhəri yaxınlığındakı yeraltı türbədə tapılıb. Freskada İsa çiyinlərində çəpiş və ayaqlarının dibində dörd heyvan olan gənc bir çoban kimi təsvir edilib.
Arxeoloq Gülsen Kutbay qeyd edib ki, bu, İsanın açıq-aşkar Roma üz cizgiləri ilə təsvir edildiyi çox nadir freskalardan biridir. Ekspertlərin sözlərinə görə, bu tapıntıya xüsusi əhəmiyyət qazandıran əsas amil onun tarixi kontekstidir:
Belə ki, 325-ci ildə məhz Nikeyada (hazırkı İznik şəhəri) xristianlığın əsas sənədlərindən biri olan Nikeya İman Simvolu qəbul edilib. Lakin bu tarixə qədər xristianlar Roma imperiyası ərazisində amansız təqiblərə məruz qalırdılar.
Mütəxəssislər vurğulayırlar ki, xaç xristianlığın əsas simvoluna çevrilməzdən əvvəl məhz "Yaxşı çoban" obrazı xilas və ilahi müdafiə ideyalarını ifadə edən ən populyar simvol olub.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər