Azərbaycan Respublikasının Medianın İnkişafı Agentliyinin və ADA Universiteti İnkişaf və Diplomatiya İnstitutunun
birgə təşkilatçılığı ilə “Storytelling: müasir publisistikanın yeni narrativləri və aktual trendləri” mövzusunda jurnalistlər üçün təlim keçirilib.
Kulis.az xəbər verir ki, təlimçi Azərbaycan Respublikasının Medianın İnkişafı Agentliyinin İcraçı direktorunun müavini, əməkdar jurnalist, yazıçı Natiq Məmmədli olub.
Qeyd edək ki, ictimai fikir fenomeni kimi insanların düşüncələrinə təsir göstərən, ideyanın daha çevik və müasir formada ifadə edilməsinin yeni metodlarını özündə birləşdirərək jurnalistin yaradıcı şəxsiyyət kimi fərdi üslubunu formalaşdıran “storytelling” artıq müasir publisistikanın predmeti olmaqdan kənara çıxaraq daha geniş anlam kəsb etməkdədir.
Ənənəvi yazı tərzi ilə yeni məzmunun ifadə olunmasının mümkünlüyü, publisistik üslubun hipermətnə çevrilməsi, köşə yazarlığının dinamik formaları və cəlbediciliyinin artırılması jurnalistikanın müzakirə etdiyi, həllinə çalışdığı müasir çağırışlardandır. “Storytelling”in
hazırda beynəlxalq trendə çervilmiş standartlarını, daha geniş anlamda isə müasir narratologiya nəzəriyyələrini mənimsəmək mətnin, nitqin, ümumiyyətlə nəql etmənin bütün formalarında fikrin düzgün, anlaşılan olması və ictimai təsir gücünün artırılması baxımdan mühüm əhəmiyyətə malikdir.
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
