Seyran Səxavət: “Azərbaycanlı kişi əcnəbi qadınla evlənir? Yaxşı edir!”

Seyran Səxavət:  “Azərbaycanlı kişi əcnəbi qadınla evlənir? Yaxşı edir!”
18 noyabr 2023
# 16:00

Son statistik məlumatlara əsasən əcnəbilərlə nikaha daxil olan gənclərin sayında artım müşahidə olunur. Azərbaycanlı xanımlar və bəylər son illər nədənsə xarici vətəndaşla evlənməyi üstün tuturlar. Bəs bunun təməlində hansı səbəblər var?

Kulis.az xəbər verir ki, mövzuyla bağlı tanınmış yazıçı Seyran Səxavət fikirlərini “Yeni Sabah”la bölüşüb.

Onun sözlərinə görə, bu hal olduqca normaldır:

“Hər kəsin istədiyi şəxslə evlənmək haqqı var. Ailə qurmaq azaddır. Evləndiyin şəxsin öz ölkənin vətəndaşı, yaxud əcnəbi olmasının elə də fərqi yoxdur. Düşünmürəm ki, bu tendensiyanın hansısa özəl səbəbləri var. Azərbaycanlı kişilərin qadınların inkişafına mane olması kimi cəmiyyətdə formalaşan fikirlərə qeyri-ciddi yanaşıram. Hesab etmirəm ki, qızlarımız bu səbəbdən xaricilərlə evlənməyi seçir. İnkişaf deyəndə xanımlarımız nəyi nəzərdə tutur? Yaxud inkişaf edərək, nə edəcək ki? Hazırda azərbaycanlı qadınların o qədər işi var ki... Onlar o qədər yükləyirlər ki, xanımlarımıza yazığım gəlir. Ən az işləyən qadınlarımız belə gün ərzində çox yorulur. Çünki onlar həm övladlarının, həm evin, həm də həyat yoldaşlarının qayğısına qalırlar. Bu işin öhdəsindən gəlmək böyük bir qəhrəmanlıqdır. İstər bizim, istər fransız, ingilis, gürcü və digər ölkələrin qadınlarının yaxşı mənada birinci vəzifəsi ailəsinə, evinə qulluq etməkdir.
Azərbaycanlı kişilərin xarici qadınları həyat yoldaşı olaraq seçməsində də elə bir problem yoxdur. Hansısa tədbirdə, məclisdə görüb, xoşuna gəlib və evlənib. Yaxud başqa bir yolla tanış olub, evlənib. Lap yaxşı edib. Bu hər kəsin şəxsi məsələsidir. Əsas odur ki, bu kimi məsələlər cəmiyyətdə kütləvi hal almayıb”.

Yazıçı ailə məsələlərində onu narahat edən məqamdan da söz açıb:

“Bir məsələ var ki, bu məni olduqca narahat edir. Son statistikaya görə, ölkədə nikahlar azalıb, boşanmaların sayı isə artıb. Zənnimcə, bu hər kəsi düşündürməli və narahat etməlidir. Boşanma hallarının artması çox dəhşətli haldır. Bunun qarşısını almaq, ailə dəyərlərini möhkəmləndirmək üçün ciddi addımlar atılmalıdır”.

# 1212 dəfə oxunub

Oxşar xəbərlər

“Şən Elf və cadugər” yenidən Gənc Tamaşaçılar Teatrının səhnəsində

“Şən Elf və cadugər” yenidən Gənc Tamaşaçılar Teatrının səhnəsində

16:50 24 fevral 2024
Nurşən Quliyevin 50 illik yubileyidir

Nurşən Quliyevin 50 illik yubileyidir

16:00 24 fevral 2024
Akif Əli Zadə “Azərbaycan Respublikası Prezidentinin fəxri diplomu”  ilə təltif edildi

Akif Əli Zadə “Azərbaycan Respublikası Prezidentinin fəxri diplomu” ilə təltif edildi

15:16 24 fevral 2024
Mətbuat Şurasının sədri Nurşən Quliyevi yubileyi münasibətilə təbrik etdi

Mətbuat Şurasının sədri Nurşən Quliyevi yubileyi münasibətilə təbrik etdi

15:15 24 fevral 2024
Qadağan olunmuş kitablar - Katolik kilsəsinin “qara siyahısı”

Qadağan olunmuş kitablar - Katolik kilsəsinin “qara siyahısı”

15:00 24 fevral 2024
“The Boys”un növbəti mövsümünün nümayiş tarixi açıqlandı

“The Boys”un növbəti mövsümünün nümayiş tarixi açıqlandı

15:00 24 fevral 2024
# # #