Bu gün ingilis yazıçı Emili Brontenin doğum günüdür.

Kulis.az onun "Tufanlı yoxuşlar" əsərindən müəyyən hissələri Lamiyə Göyçəyevanın tərcüməsində təqdim edir.

Qıcanmış dişlər arasından “Buyurun” elə deyildi ki, “Cəhənnəm olun” kimi səsləndi.

***

Əzab çəkməyi öyrəndiyim vaxtdan indiyə kimi bu gecə ilə müqayisə edilə biləcək daha birini xatırlaya bilmədim.

***

Qəribədir, insanlar bu dünyada bir kəsləri olmadığı halda necə xəsis ola bilirlər?

***

Öz utancverici hərəkətinə görə xəcalət çəkir? Bu yenilikdir!

***

Mən onun ayağı altdakı torpağı sevirəm, başı üzərindəki havanı, toxunduğu hər şeyi, dediyi hər sözü. Hər baxışını sevirəm, hər hərəkətini və bütövlüklə onun özünü...

***

Əgər bütün bu mənasızlıqda zərrə qədər məna varsa...

***

Müqavimət və soyuqluq görməyən kəs qəddar və qıcıqlandırıcı biri ola bilərmi?

***

Sevinc o qədər böyükdür ki... Qorxuram ki,o birdən həqiqət olmaya!

***

Artıq mülayimlik hərdən ziyan vura bilər.

***

Sən heç lazım olmayanda gəlib əl altına düşən, ehtiyac olanda isə heç cür tapılmayan əşyalar kimisən...

***

Yaşatdığın bütün əzablara görə səni bağışlayıram! Öz qatilimi sevirəm... amma səninkini... Onu necə sevə bilərəm?

***

Sevgidə nə qədər eqoistlik var imiş...

***

Nə özünə, nə ətrafdakılara rəhm etməyənlərə hərdən bizim yazığımız gəlir.

***

Bəd xəbər gözləmək yaxşı əlamət deyil.

***

Belə ki, onların hər ikisinin qüvvələri bir məqsədə yönəlmişdir – çünki biri sevir və sevdiyinə hörmət etməyi arzulayır, digəri isə sevir və diləyirdi ki, ona hörmət etsinlər – nəticədə, istədiklərinə müvəffəq oldular.

***

Sadəcə xaraba qoyduqlarımdan həzz alma qabiliyyətimi itirmişəm. Boş-boşuna dağıtmaq üçün isə çox tənbələm.

**

Nəfəs almalı olduğumu yadıma salmağa məcbur idim. Az qala ürəyimə döyünməyi xatırladacağım kimi!

***

Mən çox xoşbəxtəm; amma yenə də kifayət qədər xoşbəxt deyiləm.

• Türk poeziyasına yenilik gətirən şair – Orhan Veli
• "Niyə mən sizi hələ Bakıdaykən tanımamışam?" - Əzizə Cəfərzadə ilə Ramiz Abutalıbovun yazışmaları
• Sən filosof deyilsən!