Şəhriyar Del Gerani: "Çingiz Abdullayevi toyuma dəvət edirəm"

Şəhriyar Del Gerani:  "Çingiz Abdullayevi toyuma dəvət edirəm"
11 oktyabr 2023
# 11:25

"Əvvəla mən intriqa adamı yox, sülh adamıyam. Məni tanıyan hər kəs bunu bilir. İkincisi, bütün qələm dostlarımız və mətbuat əhli bilsin, mənim həqiqətən, Çingiz Abdullayevlə heç bir problemim yoxdur. Sadə bir zarafatyana statusu bura qədər uzatmağa nə hacət vardı? Ölkənin indiki dövründə iki yazıçının bu cür primitiv mübahisəsi məndə də, oxucularda da təəssüf hissi doğurur".

Kulis.az xəbər verir ki, bu sözləri Şəhriyar Del Gerani Xalq yazıçısı Çingiz Abdullayevlə aralarındakı qalmaqalla bağlı feysbukda yazıb.

"Bu günlərdə Xalq yazıçısı Anarla da görüşdük. O da məyusluğunu bildirdi söhbətin bunca dartılıb uzadılmağına. Və bir ağsaqqal kimi məsləhət gördü ki, bu mübahisələrə son qoymaq lazım. Haqlıdır. Atam da dünən zəng eləyib ki, “Ayıb deyil? Bütün ölkə sizə baxır”. Qorxuram rayona gedəndə tutub pensiya kartını ala əlimdən.

Xülasə, məlum verilişdə dediyim kimi, gerçəkdən mənim nəinki Çingiz Abdullayevlə, heç bir kimsəylə problemim yox. Təəssüf, düşməni seçmirsən, bəzən adamlar durduq yerdə səni düşmən elan edirlər özlərinə. Açığı, mən bu həyatı fani, ölümü ani dünyanı çoxdan tərk etmişəm, yerdə qalan 5-3 illik ömürdə başımı qatıram birtəhər.

Sözüm ona, toyuma hazırlaşdığım bir vaxtda bu ədəbi-məişət söz-söhbətləri tamam yordu məni. Bu mövzunu qapadıram öz tərəfimdən. Əlbəttə, bütün bu və ya bu kimi mübahisələr ötəridir. Qalıcı olan mətndir. İnsanları yaşadan, həyatına rəng qatan, ömrünü uzadan isə sevgidir, sayğıdır, barışdır. Allah necə haqdı?!

Yeri gəlmişkən, burdan Çingiz Abdullayevi 21 oktyabrda öz toyuma – İmişliyə dəvət edirəm. Gəlsin bir qol qaldıraq “Ruhani havası” üstündə. Eşqlər!"

# 1945 dəfə oxunub

Oxşar xəbərlər

Pezeşkian Bakıda bu şeiri dedi - Video

Pezeşkian Bakıda bu şeiri dedi - Video

20:53 28 aprel 2025
"Baku Flames Beynəlxalq Yaradıcılıq və Effektivlik Festivalı" keçiriləcək

"Baku Flames Beynəlxalq Yaradıcılıq və Effektivlik Festivalı" keçiriləcək

18:30 28 aprel 2025
"The Mayhem Ball" başladı

"The Mayhem Ball" başladı

16:35 28 aprel 2025
İranla qarşılıqlı mədəniyyət günləri keçiriləcək

İranla qarşılıqlı mədəniyyət günləri keçiriləcək

16:15 28 aprel 2025
Bahəddin Həzi - 60

Bahəddin Həzi - 60

14:30 28 aprel 2025
Heydər məscidinə memarlıq abidəsi statusu verildi

Heydər məscidinə memarlıq abidəsi statusu verildi

14:15 28 aprel 2025
# # #