“Sarı Aşığın dastanı” tamaşasının premyerası oldu

“Sarı Aşığın dastanı” tamaşasının premyerası oldu
19 iyul 2023
# 12:20

Laçında “Sarı Aşığın dastanı” tamaşasının premyerası olub.

Kulis.az xəbər verir ki, tamaşanı “Səhnə” teatrı təqdim edib.

Tamaşanın prodüsseri Elçin Hacı bildirib ki, “Yaxşı və Aşıq” dastanının motivlərindən istifadə edilməklə Xaqani Əliyevin qələmə aldığı pyes əsasında hazırlanmış tamaşanın quruluşçu rejissoru Elvin Mirzəyev, xoreoqrafı Zaur Əliyevdir.

Tamaşa Azərbaycanda bayatı janrının poetik imkanlarının açılmasında misilsiz xidmətləri olmuş, XVII əsrdə Laçının Güləbird kəndində yaşamış, şair Sarı Aşığın nakam məhəbbətindən bəhs edir.

Buludların arasından yerə enən Mələyin verdiyi sevgi badəsini içən gənc Abdullanın qəlbində eşq yuva salır, onu “Haqq Aşiqinə” çevirir. Aqillər deyiblər ki, Eşq hər qəlbdə qərar tutub qalmır. Bəs, qalsa nə olar? Onu ordan çıxarmaq olarmı? Məcbur etsələr də Aşiq qəlbindəki eşq alovunu söndürə bilmir. O, Yaxşısına qovuşmaq ümidi ilə, zülmətin içindən, sonunda işıq gördüyü yola çıxır. İnsanlar onu anlamaq istəmir, qarşısını kəsir, mənən əzir, döyürlər. Aşiq ölümlə üzləşir, lakin yolundan yenə də dönmür.

Qeyd edək ki, tamaşadakı obrazları aktyorlar Əməkdar artist Vaqif Kərimov, Ramil Məmmədov, Əhliman Ərşadlı, Mirzə Səfərov, Elçin Əmirov, Nazlı Quliyeva, Rəvan Hüseynzadə, Kənan Balakişiyev, Məleykə Cəfərova, Elvin Abbasov və Rəhimə Abdinova oynayıblar.

# 1188 dəfə oxunub

Oxşar xəbərlər

Məscid Allahın evi deyil - Ömər Xəyyam

Məscid Allahın evi deyil - Ömər Xəyyam

16:40 4 aprel 2025
Arif Acaloğlu haqqında kitab nəşr edildi

Arif Acaloğlu haqqında kitab nəşr edildi

15:06 4 aprel 2025
Düz beş ildir ki, mən... - Ulucay Akif

Düz beş ildir ki, mən... - Ulucay Akif

15:00 4 aprel 2025
Bu qəzet fəaliyyətini dayandırdı - Səbəb

Bu qəzet fəaliyyətini dayandırdı - Səbəb

14:35 4 aprel 2025
Ruhəngiz Musəvi kimdir?

Ruhəngiz Musəvi kimdir?

13:40 4 aprel 2025
Boykota görə o da serialdan qovuldu

Boykota görə o da serialdan qovuldu

13:11 4 aprel 2025
#
#
# # #