19 avqust dünya rəssamlıq tarixinin ən görkəmli simalarından biri, fransız rəssam Adolf Vilyam Buqronun anım günüdür.

Kulis.az bu münasibətlə rəssamın həyatı və yaradıclığı haqqında maraqlı faktları və onun məşhur "İsa Məsihin şallaqlanması" tablosunu təqdim edir.

Adolf Vilyam Buqro ampir (XIX əsrin əvvəllərində Avropada memarlıqda və mebeldə bir üslubdur) dövründə yaşayıb və akademik rəssamlığın ustadı hesab olunur. O, akademizminin ən görkəmli nümayəndəsi, tarixi, mifoloji, "İncil" və allerqorik süjetli rəsm əsərlərinin müəllifi, divar naxışlarının və portretlərinin yaradıcısıdır.

Bütün ömrü boyu Buqro 800-dən artıq əsm əsəri yaradıb.

Onlardan ən məşhurları sırasında «Veneranın doğuluşu», «Dante və Vergili cəhənnəmdə», «Naxırçı qız», «Rəqs», «İsa Məsihin şallaqlanması», «Toxunulmuş qadın» gəlir.

Buqro 1825-ci ildə La-Roşeldə zeytun və şərab alverçisi ailəsində dünyaya gəlib.

O, ailənin işini davam etdirməyə məcbur olub, lakin ona klassik "İncil" sujetlərini öyrətmiş rahib babası Yejen sayəsində orta məktəbə getməyə nail olub.

Orta məktəbdə də onun rəssamlıq istedadı ortaya çıxır.

Atasından oğlunu Bordodakı incəsənət məktəbinə göndərmək üçün razılıq alırlar.

Buqro burada “Müqəddəs Roxa” adlı rəsm əsərinə görə ilk dəfə mükafatlandırılır.

Pul qazanmaqdan ötrü o, cem və mürəbbə bankaları üçün etiketlər hazırlamağa başlayır.

Buqro Paris incəsənət məktəbində oxuyub, 1850-ci ildə «Araks sahilində tapılmış Zenobiya» adlı əsərinə görə Roma mükafatına layiq görülüb.

Onun mifoloji süjetli və realizm janrlı əsərləri XIX əsrdə Fransada kifayət qədər məşhur idi.

Bu dövrdə hətta o, dünyanın dahi rəssamlıq ustalarından biri hesab olunurdu.

1900-cü ildə Edqar Deqa və Klod Mone deyirdilər ki, guya 2000-ci ildə Buqronu dahi fransız rəssamı adlandıracaqlar.

Onun rəsm əsərləri varlı amerikalılar tərəfindən alınırdı.

Buqro dünya rəssamlıq tarixində insan bədənini ən gözəl və dəqiq təsvir etmiş rəssam kimi dəyərləndirilir.

Hazırda da Buqronun rəsm əsərlərinə maraq artmaqdadır.

Qeyd edək ki, Buqro məktəbinin tələbələri sırasında Oton Friz, Edmund Tull, Qustav Jake,Pol Şabasın adları xüsusilə qeyd olunur.

• Vatsapda şəkil paylaşmaq əxlaqsızlıqdırmı?
• Vaxtımız var idi, şərait əla... - Yevtuşenkonun Heminqueyə yazdığı şeir
• Rəssam olmaq istəyən, ali təhsilsiz məşhur yazıçı - O, hansı romanı üçün mədənlərdə fəhlələrlə görüşmüşdü?