"Nobel Türkiyədə də bir terroristə mükafat verib"

Kulis.az xəbər verir ki, bu fikri Türkiyə prezidenti Rəcəb Tayyib Ərdoğan "Hər insan bir dünyadır" mövzusunda "Dünya insan hüquqları" gününə həsr olunmuş çıxışında bildirib. Tələbələr qarşısında onların suallarını cavablandıran Türkiyə prezidenti 2019-cu ildə ədəbiyat üzrə Nobel mükafatına layiq görülən Peter Handke ilə bağlı da fikirlərini bölüşüb. Ərdoğan bildirib ki, son illər Nobel artıq siyasi, ideoloji bir mükafata çevrilib:

"Mənim üçün Nobelin heç bir qiyməti yoxdur. Nobel son seçimi ilə də bir daha etiraf etdi ki, artıq o bir siyasi, ideoloji təsisatdır. Nobel məhkum olmuş şəxsləri mədh edən birinə mükafat verdi. Miloşeviçi və digərlərini... Bu gün Nobelin siyasi və ideoloji mahiyyətindən başqa özəlliyi qalmayıb. Belə bir qatili mükafatlandırmaq, zülmə ortaq olmaqdır. Təəssüf ki, Nobel bu işi ilk dəfə etmir. Bir neçə il öncə də daha bir zalımı mükafatlandırmaqla belə bir əmələ imza atmışdı.

R.T. Ərdoğan daha sonra Nobel mükafatına layiq görülmüş türklərdən söz açaraq kəskin açıqlamalar verib:

"Nobel Türkiyədən də bir terroristə mükafat verib. Düzdür, Əziz Sancar kimi alimlərlə işimiz yoxdur. Amma terrorizmi romanlarına yansıdan birinə də Nobel veririlib".

Rəcəb Tayyib Ərdoğan “Sizə Nobel sülh mükafatı verilsə, nə edərsiniz?” sualına isə “Mənə Nobel sülh mükafatı verilsə, almaram”, cavabını verib.

• Mikelancelonun freskalarına qarşı vandalizm aktı
• "South Park"dan yeni seriya: Donald Tramp yenidən başrolda
• Şəhid ola bilməyən əsgərə verilən ən dəhşətli sual