Putindən qaçan Puqaçova bu ölkəyə köçür

Putindən qaçan Puqaçova bu ölkəyə köçür
8 iyul 2024
# 11:30

Məşhur rus müğənni və Putin hakimiyyətinin açıq tənqidçisi Alla Puqaçova İsraildən Latviyaya köçür.

Kulis.az xarici mediaya istinadən xəbər verir ki, o, bu qərarı Rusiya 2022-ci ilin fevralında Ukraynaya genişmiqyaslı hücuma başlayan kimi ailəsi ilə birlikdə köçdüyü İsraildə bir neçə il yaşadıqdan sonra verib.

Əri Maksim Qalkin və iki övladı ilə bir müddət Kiprin Limassol şəhərində yaşayan Puqaçova növbəti ev üçün Yurmalanı seçib, çünki iqlimi sərindir, bu onun sağlamlığı üçün daha yaxşıdır. Latviyada artıq onun üçün mənzil hazırlanıb, gücləndirilmiş təhlükəsizlik tədbirləri, o cümlədən, videomüşahidə və şəxsi təhlükəsizlik təmin edilib.

İki uşaqla köçmək yaxın günlərə planlaşdırılır, Qalkin isə daha sonra ailəyə qoşulacaq. Media Puqaçovanın bu addımını boşanma ilə də əlaqələndirir, baxmayaraq ki, bu məlumatın rəsmi təsdiqi yoxdur.

Puqaçova Rusiyanı tərk edərkən dəfələrlə Rusiya hökumətinin və şəxsən prezident Putinin hərəkətlərinə qarşı çıxış edib, dünya ictimaiyyətini onun siyasətinə qarşı tədbir görməyə çağırıb. Rusiyadakı siyasi təqiblərə etiraz əlaməti olaraq, hətta ərinin müharibə əleyhinə bəyanatlarına görə siyahıya alındığı "xarici agentlər" siyahısına daxil edilməsini xahiş edib.

Yurmalaya köçmək Puqaçovaya nəinki daha rahat iqlim şəraitində yaşamaq, həm də Latviyada olan müğənni Layma Vaykule kimi dostları ilə əlaqə saxlamaq imkanı verir.

# 775 dəfə oxunub

Oxşar xəbərlər

"Bu adamları kim işə götürüb?" - Mədəniyyət Nazirliyinin müəllim qalmaqalı

"Bu adamları kim işə götürüb?" - Mədəniyyət Nazirliyinin müəllim qalmaqalı

15:06 5 aprel 2025
İnqilabçı sevgi şeiri yazarmı? - Qismət Rüstəmov

İnqilabçı sevgi şeiri yazarmı? - Qismət Rüstəmov

13:17 5 aprel 2025
Asəf Zeynallı kimdir?

Asəf Zeynallı kimdir?

13:00 5 aprel 2025
Lənkəran Dövlət Teatrına yeni təyinat

Lənkəran Dövlət Teatrına yeni təyinat

12:01 5 aprel 2025
Şuşa Teatrına yeni təyinat

Şuşa Teatrına yeni təyinat

10:43 5 aprel 2025
Yubiley törəni:  Kənan Hacı - 50

Yubiley törəni: Kənan Hacı - 50

21:36 4 aprel 2025
# # #