Fevralın 2-də Özbəkistandakı Heydər Əliyev adına Azərbaycan Mədəniyyət Mərkəzi və Azərbaycan Respublikasının Diasporla İş üzrə Dövlət Komitəsinin birgə layihəsi ilə Daşkənddə tədbir və konsert proqramı təşkil ediləcək.
Kulis.az xəbər verir ki, tədbirdən əvvəl ziyarətçilərə “Zəfərə gedən yol” adlı fotosərgi təqdim olunacaq.
Özbəkistandakı Heydər Əliyev adına Mədəniyyət Mərkəzinin binasında təşkil olunacaq konsertdə Azərbaycandan dəvət olunmuş beynəlxalq müsabiqələrin laureatları - gənc müğənnilər Kənan Qədimov və Aynur İsgəndərli, habelə mərkəzin “Azərbaycan” adlı rəqs ansamblının çıxışı nəzərdə tutulub.
Bu gün Azərbaycan gəncliyi həyatımızın hər bir sahəsində aktiv olaraq ölkənin tərəqqisində fəal iştirak edir. Özbəkistanda da dövlətin gənclərə xüsusi qayğı və dəstəyi vardır. Təsadüfi deyil ki, Özbəkistan Prezidenti Şavkat Mirziyoyev ölkədə 2024-ci ili “Gənclərin və biznesin dəstəklənməsi ili” elan edib.
Azərbaycan gəncləri Ümummilli Lider Heydər Əliyev tərəfindən təsis edilən 2 Fevral - Gənclər Gününü artıq qalib ölkənin qürurlu vətəndaşları kimi böyük ruh yüksəkliyi ilə qeyd edirlər.
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
