Ümumdünya İrs Komitəsi Ukraynanın Odessa şəhərinin tarixi mərkəzini Ümumdünya İrs Siyahısına daxil etmək qərarına gəlib.

Kulis.az xəbər verir ki, bu barədə YUNESKO-nun baş direktoru Odri Azulay "Tvitter" səhifəsində məlumat verib.

“Azad şəhər, kinoda, ədəbiyyatda və incəsənətdə iz qoymuş əfsanəvi liman Odessa indi beynəlxalq ictimaiyyətin himayəsindədir. Müharibə davam edərkən, qlobal qarışıqlıqlara tab gətirən bu şəhəri gələcək dağıntılardan qorumaq üçün Ümumdünya İrs Siyahısına daxil edilməsi kollektiv əzmimizi göstərir”,- deyə baş direktor qeyd edib.

• Azərbaycan London Beynəlxalq Kitab Sərgisində
• O siyasi konyukturanın Allahıdır - Aqşin Yenisey
• “KANAL S”-in yayımı dayandırılır? - Qərar

Qeyd edək ki, Ümumdünya İrs Konvensiyasının müddəalarına əsasən, Konvensiyanın iştirakçısı olan 194 dövlət Ümumdünya İrs obyektinə birbaşa və ya dolayısı ilə zərər vura biləcək hər hansı qəsdən addım atmamağı və onun qorunmasına kömək etməyi öhdəsinə götürür.

Odessanın tarixi mərkəzi də Təhlükədə olan Ümumdünya İrs Siyahısındadır ki, bu da ona Ukraynanın ərazinin mühafizəsini təmin etmək və lazım gəldikdə onun bərpasına kömək etmək üçün texniki və maliyyə cəhətdən beynəlxalq yardımdan istifadə etmək imkanı verir.

• Azərbaycan London Beynəlxalq Kitab Sərgisində
• O siyasi konyukturanın Allahıdır - Aqşin Yenisey
• “KANAL S”-in yayımı dayandırılır? - Qərar