Sovet İttifaqının Semipalatinsk nüvə poliqonunun yaxınlığında qolsuz dünyaya gələn və nüvə əleyhinə fəal olan qazaxıstanlı rəssam Karipbek Kuyukov nüvə sınaqlarının insan və təbiətə vurduğu yaraları tabloları vasitəsilə dünyaya çatdırmağa davam edir.
Kulis.az xəbər verir ki, sənətçi səsli qeydləri əsasında ilk avtobioqrafiyasını nəşr etdirib.
1949–1989-cu illərdə Semipalatinskdə keçirilmiş 456 nüvə sınağının ağır nəticələrinin canlı şahidi olan Kuyukov əvvəlcə ayaqları ilə, yaşlandıqca isə fırça və qələmi ağzında tutaraq rəsm çəkir.
O, "İlk partlayış", "Nüvə göbələyi" və "Atom uşaqlığı" kimi əsərləri ilə nüvə təhlükəsinə diqqət çəkir, BMT-də keçirilən yüksək səviyyəli iclaslarda da çıxış edərək dünya liderlərinə müraciət edir.
Son illər təbiət mənzərələrinə daha çox üstünlük verən Kuyukov hələ də anasının portretini çəkməyə cəsarət etmədiyini bildirib.