Kembric alimləri məşhur “Ueyd nəğməsi”nin səhv təfsir olunduğunu aşkar ediblər.

Kulis.az xəbər verir ki, Kembric Universitetinin mütəxəssisləri məşhur orta əsr İngiltərə epik əsəri sayılan "Ueyd nəğməsi"nin uzun illər boyunca tamamilə yanlış təfsir edildiyini açıqlayıblar.

Tədqiqatçılar bu əsərin əfsanəvi canavarlar və elflərlə dolu fantaziya deyil, əslində, XII əsrdə yazılmış cəngavərlik balladası olduğunu müəyyən ediblər.

Kembric Universitetinin mütəxəssisi Sebastian Falkın sözlərinə görə, əsərdəki “elf” sözünün “canavar” kimi tərcümə olunması, əsərin janrını və mənasını kökündən dəyişir. Falk bildirib ki, əsərin kökündə əngavərlərin rəqabətindən bəhs edən romantik bir hekayə dayanır və bu, indiyədək olan elmi yanaşmalara ziddir.

Alimlərə görə, Ueyd İngiltərə və Şimali Avropa folklorunda tanınan, nəhəng və su pərisinin oğlu, həmçinin məşhur tanrı-dəmirçi Velundun atası kimi tanınan mifoloji obrazlardan biridir.

1896-cı ildə ingilis tarixçisi Montəgyu Ceyms Kembric Universiteti kitabxanasında "Ueyd nəğməsi"ndən kiçik bir fraqment aşkar etmiş və bu hissədə “elf”, “su ruhları”, “ilanlar” kimi obrazlar yer aldığından əsər uzun müddət fantaziya janrında qəbul edilmişdi.

Lakin yeni araşdırmalar göstərib ki, həmin fraqment dini moizəyə aid olub və kütlənin diqqətini çəkmək məqsədilə o dövrün populyar qəhrəmanına — Ueydə istinad edilib.

Falk qeyd edib ki, bu, kütləvi mədəniyyətin kilsə nitqlərinə daxil edilməsinin ilk nümunələrindən biridir.

• Divardakı yazı - “Səksənincilər" layihəsindən Aydın Tağıyevin hekayəsi
• Ana dilini qorumaq üçün nə edirik? - ARAŞDIRMA
• Krımın ən güclü qadını necə Sovet cəhənnəminə atıldı? - Bakının faciəli "qonağ"ı