Dünyanın hər yeri İkinci Dünya Müharibəsinin dəhşətli nəticələrini xatırladığı bir vaxtda, amerikalı reper Kanye Uest Hitlerə sevgisindən bəhs edən klip təqdim edib.
Kulis.az Lent.az-a istinadən xəbər verir ki, klipdə o, növbəti dəfə keçmiş həyat yoldaşı Kim Kardaşyana hücum edir və Biankа Censori ilə intim həyatının təfərrüatlarını açıqlayır.
Görünür, dünya artıq Uestin qalmaqallarına alışıb, lakin onun yeni mahnısı bir daha onun psixi sağlamlıq vəziyyətini düşünməyə vadar edir. Təəccüblü deyil ki, Kim Kardaşyan övladlarının qəyyumluğu uğrunda mübarizə aparmağa qərar verib. Reperin “HH HEIL” adlı mahnısındakı sözlərə görə, Kim artıq ilk nəticələri əldə edib.
“Lənətə gəlsin, bu insanlar uşaqlarımı əlimdən aldılar, sonra bank hesabımı dondurdular. İçimdə bu qədər qəzəb var, amma onu boşaltmağa yol yoxdur”, – deyə reper oxuyur.
Klipdə heyvan dərilərində, sinələri çılpaq olan qaradərili kişilərdən ibarət bir qrup Hitlerə sevgisini ifadə edir. Uest mahnının təqdimat tarixini də təsadüfən seçməyib – 8 may – Avropada Qələbə günü. ABŞ-da da bu tarix artıq dünya ilə birlikdə qeyd olunmağa başlayıb.
“Bütün bu pul və şöhrətə baxmayaraq, hələ də uşaqlarımı görə bilmirəm. Hamı mənim Twitter-imə baxır, amma necə hiss etdiyimi görmür. Buna görə də nasist oldum, bəli, qarğışlı qadın, mən – bir yaramazam”, – deyə o bildirib.
Kanye həmçinin yenidən yanına qayıtmış yeni həyat yoldaşı Bianка Censori ilə münasibətlərindən danışıb. Reper bildirib ki, guya kiminsə onun qadını ilə intim münasibətdə olmasını izləməyi sevir. Həmçinin o, “onun əlini şalvarına aparmasını” və “dünyanı əlində tutmasını” təsvir edib.
O, həmçinin sosial şəbəkələrdəki qalmaqallı paylaşımları mövzusuna toxunub, hansı ki, bu səbəbdən bir neçə platformada, xüsusilə də X-də müvəqqəti olaraq bloklanmışdı.
“Onlar "Twitter"də dediklərimi anlamırlar”, – o, izah edib.
Mahnı 1935-ci ildəki Hitler çıxışının fraqmentindən istifadə ilə başa çatır.
Kim və Kanye arasında övladların qəyyumluğu uğrunda mübarizə barədə nə məlumdur?
Uest dəfələrlə keçmiş həyat yoldaşı ilə birgə 11 yaşlı qızları Nort və digər üç azyaşlı – qızları Çikaqo və oğulları Seynt ilə Psalmun tərbiyəsi ilə bağlı açıq mübahisə edib. İndi isə iddia edir ki, ona uşaqlarını görməyə icazə verilmir.
Boşandıqdan sonra cütlüyün bərabər qəyyumluğu olub. Kim istəyirdi ki, uşaqlar ataları ilə əlaqəni davam etdirsinlər. Lakin reperin qalmaqallı açıqlamaları və davranışı Kardaşyanı uşaqların təhlükəsizliyindən narahat edib və onu hüquqşünaslara müraciət etməyə vadar edib. Xüsusilə son damla reperin qızı Nortu insan alverində, cinsi zorakılıqda və azyaşlıların pozulmasında ittiham olunan P.Diddy ilə birgə mahnı yaratmağa cəlb etməsi olub. Həmçinin, Kanye Kim Kardaşyandan olan uşaqlarının doğulmasına görə peşman olduğunu da bildirib.
Bizi Telegram-da izləyin
t.me/kulis_az
Bizi Instagram-da izləyin
Bizi Facebook-da izləyin
Bizi Twitter-da izləyin
