Belə bir fikir var ki, istedadlı adama çox şeyi, dahiyə isə hər şeyi bağışlayırlar. Bu mənada bir çox qələm adamları yazdıqları əsərlərlə yanaşı qəribə hərəkətləri ilə də yaddaşlarda qalıblar.
Hətta bəzilərinin davranışları kitablarından da məşhurdur…

Kulis.az bir neçə dahinin qəribəliklərini təqdim edir.

Nikolay Qoqolun əsəb tutmasından sonra "Ölü canlar" əsərinin ikinci cildinin əlyazmasını yandırmasını kim xatırlamır? Moskvadakı evinin buxarısında "Ölü canlar"ın davamını yandırarkən xidmətçisi Semyonun "əlyazmanı məhv eləməyin" yalvarışlarının da bir xeyri olmayıb.



Həmin duelin şərtlərinə görə iştirakçılar püşk atırdılar və uduzan özünü öldürməli idi. Düma uduzub və qaydaya əməl etmək üçün qonşu otağa keçib. Oradan atəş səsi eşidilib və ardınca Düma sağ-salamat duel iştirakçılarının yanına qayıdaraq deyib: "Atəş açdım, amma təəssüf ki, hədəfdən yayındım".

Uilyam Berrouz gecə məclislərindən birində qonaqları heyrətləndirmək qərarına gəlib. Yazıçı oğlunun başındakı almanı hədəfə alıb vuran məşhur oxçu Vilhelm Tellin hərəkətini təkrarlamaq istəyib. Berrouz arvadı Coan Vollmerin başına stəkan qoyub və tapançadan atəş açıb. Güllə arvadının başına dəyib və nəticədə qadın ölüb.

Marina Svetayevanı İkinci Dünya müharibəsi başlanandan bir müddət sonra Tatarıstanın Yelabuqa şəhərinə göndəriblər. Boris Pasternak ona əşyalarını yığmaqda kömək edib. Pasternak çamadanı bağlamaq üçün ip gətirib və onun möhkəmliyini yoxlaya-yoxlaya zarafatla deyib: "İstəyirsən, lap özünü as, bu ip tab gətirər". Bir müddətdən sonra Pasternaka xəbər veriblər ki, Svetayeva Yelabuqada məhz həmin iplə özünü asıb.

1835-ci ildə Qaliley kometinin Yerə lap yaxınlaşdığı gündən iki həftə sonra yazıçı Mark Tven dünyaya gəlib. 1909-cu ildə o, yazırdı: “Mən bu dünyaya kometlə gəlmişəm, kometlə də çıxıb gedəcəyəm”. Elə də olur, Mark Tven 1910-cu il aprelin 21-də həmin kometin Yerə yaxınlaşmasının səhəri günü dünyasını dəyişir.

• "Bəlkə, əynindəki mundirinə görə onunla xoş danışdılar?" - İsi Məlikzadənin "Evin kişisi" povestindən bir hissə
• O küçənin oğlanları aşiq idilər mənə... - Füruğ Fərruxzad
• Skelet təsvirli, kiber-zireh görünüşlü, kino lentindən hazırlanmış libasların ehtişamı... - Modanın "Oskar"ı sayılan "Met Qala 2026" nələrlə yadda qaldı?