Azərbaycan Respublikasının mədəniyyət naziri Adil Kərimli Naxçıvan Muxtar Respublikasına səfəri çərçivəsində dekabrın 8-də Naxçıvan şəhərində Heydər Əliyev Muzeyini ziyarət edib.

Kulis.az xəbər verir ki, Nazirlikdən verilən məlumata görə, Ulu öndərin adına Azərbaycan Respublikasında yaradılmış ilk muzeyin tarixi, fəaliyyəti və burada qorunan eksponatlar haqqında məlumat verilib.

Bildirilib ki, 1999-cu il mayın 10-dan fəaliyyət göstərən muzeydə Azərbaycan xalqının Ümummilli lideri Heydər Əliyevin ailəsinə, onun uşaqlıq və gənclik illərinə həsr olunmuş stendlər, Naxçıvan Muxtar Respublikası Ali Məclisinin sədri işlədiyi dövrə aid sənəd və materiallar, imzaladığı məktub, qərar və sərəncamlar, Türkiyə Cümhuriyyəti və İran İslam Respublikası ilə əməkdaşlıq sahəsində imzaladığı müqavilələrin surətləri nümayiş olunur.

Bundan əlavə, Ulu öndər Heydər Əliyevə müxtəlif illərdə təqdim olunan dövlət təltiflərinin surətləri, dahi siyasətçinin 80, 85 və 90 illik yubileyləri şərəfinə buraxılmış marka və medallar, xatirə əşyaları muzeyin eksponatları içərisindədir. Muzeyin kitabxanasında Heydər Əliyevin həyat və fəaliyyətini əks etdirən jurnal, albom və kitablar, film və qəzet materialları da sərgilənir.

• 31 yaşında Amerikada öldürülən müğənnimiz kimdir?
• Baxışları Təbrizə qədər uzanan Həmid Herisçi... - Maestro Niyazinin yubiley konsertində musiqini ürəyi ilə "görən" kim idi?
• Müasir ədəbiyyatımızın süjet azarı: Erotika və natamam sonluqlar