Türk pop musiqisinin sevilən simalarından olan Kenan Doğulu musiqiçilər Arem Özgüç və Arman Aydının yeni il proqramında iştirak edib.
Kulis.az xəbər verir ki, karyerası ilə bağlı səmimi açıqlamalar verən sənətçi “Heç uğursuzluq hissini yaşamısanmı?” sualına verdiyi cavabla diqqət çəkib.
2007-ci ildə “Shake It Up Şekerim” mahnısı ilə Avroviziya Mahnı Müsabiqəsində Türkiyəni təmsil edən və dördüncü yeri tutan Kenan Doğulu illər sonra bu nəticənin onda ciddi psixoloji sarsıntı yaratdığını etiraf edib:
“Avrovizyada dördüncü olmaq mənim üçün travma oldu. Bütün gecəni səhərə qədər ağladım. Bunu heç kim bilmirdi. Səsvermə vaxtı operatorlar kulisə gələndə mən yox idim. Daim ağlayırdım".
Həmin il müsabiqədə 68 ölkənin iştirak etdiyini xatırladan Doğulu bildirib ki, kənardan dördüncü yer uğur kimi görünsə də, özü bunu uğursuzluq kimi qəbul edib:
“Bu, bir yarışdır. Birinci olmamısansa, deməli, uduzmusan.”
Sənətçi vurğulayıb ki, incəsənətin yarışa çevrilməsinə prinsipial olaraq qarşı olduğu halda bu müsabiqəyə qatılması onun üçün daha ağır olub:
“Başdan bəri sənətin yarışdırıla bilməyəcəyini düşünərək ora getmişdim. Bu, mənim fəlsəfəmə zidd idi. Amma Selin Dionun, Sertab Erenerin uğuru və karyeralarındakı yüksəlişi məni təsirləndirmişdi. Ona görə də təklifi qəbul etdim.”
Atası Yurdaer Doğulunun Balkan yarışmalarında birincilik qazandığını və milli gitaraçı kimi tanındığını xatırladan Kenan Doğulu milli sənətçi olmağın onun üçün çox əhəmiyyətli olduğunu deyib:
“Bütün türklərin bir ürək olması çox vacib idi, amma alınmadı. Mahnı daha yaxşı olsaydı, bəlkə də birinci ola bilərdik. Amma təqdim olunan mahnılar arasından o seçildi.”
Kenan Doğulu fikirlərini belə tamamlayıb:
“Bəlkə, kənardan gözəl xatirə kimi görünür, amma mənim özümə gəlməyim çox çətin oldu. Çünki o günə qədər çox uğurlu idim. Orada birinci ola bilmədiyim üçün özümə çox əsəbləşdim.”
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər