İmadəddin Nəsiminin Suriyanın Hələb şəhərindəki məzarı - Foto

İmadəddin Nəsiminin Suriyanın Hələb şəhərindəki məzarı - Foto
20 oktyabr 2023
# 11:00

Sosial şəbəkələrdə böyük Azərbaycan şairi İmadəddin Nəsiminin Suriyanın Hələb şəhərindəki “Nəsimi təkyəsi” adlanan məqbərədə yerləşən məzarının fotosu yayılıb.

Kulis.az sözügedən fotonu təqdim edir.


Fotolar Orxan Əzimindir

Xatırladaq ki, filosof-şairin poeziyası çox tez bir zamanda Orta Asiya, Türkiyə və İran xalqları arasında populyarlıq qazanıb. Mənsur Həllacla birlikdə onun adı öz əqidəsi uğrunda qeyri-adi sədaqət və cəsurluq rəmzinə çevrilib. Onun əsərləri bir çox dillərə çevrilib və həmin dillərdə yazıb-yaradan şairlər onu təqlid ediblər. Nəsiminin şeirlərini xalq arasında avazla oxumaq və onun hürufi ideyalarını təbliğ etmək üstündə bir çoxları əzablara qatlaşıb, hətta canlarından da keçiblər.

Yaradıcılığının ilk dövrlərində Nəsimi də ustadı Nəimi kimi sufizm mövqeyində dayanır və tanınmış sufi şeyxi Şiblinin təlimini davam etdirib. Bu mərhələdə şair öz əsərlərini "Hüseyni", "Seyid Hüseyni", "Seyid" təxəllüsləri ilə yazıb.

İmadəddin Nəsimi qəzəllərini əsasən əruz vəznində yazıb. Onun yaradıcılığının uğuru da məhz əruz vəznində yazdığı lirik şeirlərdədir. O, əruz vəzni ilə türk dilini daha yaxşı ahəngə salıb. İmadəddin Nəsimi Divan ədəbiyyatının banisi sayılır. Onun ərəb dilində divan ədəbiyyatı olması barədə heç bir yerdə məlumat yoxdur. Lakin o, fars dilində beş mindən artıq misrası olan divan yaradıb. Azərbaycan dilində isə bu rəqəmlər daha artıqdır. Onun türk dilində yaratdığı divanda misra on beş min təşkil edir.

Nəsimi təkcə Azərbaycan ədəbiyyatında deyil, bütün şərq dövlətlərində yazıb yaratmış və bununla da tanınmış şair olub. O, istər türk, istərsə də fars ədəbiyyatında çox mühüm uğurlar qazanıb. Nəsimi Hurufi sənətkar olduğu üçün o, insan münasibətlərinə ciddi önəm verib. Həm ilahi, həm də insani keyfiyyətlərə məxsus olan şair gözəl şeirləri ilə insanları valeh eləməyi daha yaxşı bacarıb.

Nəsimi dilin zənginliyindən çox məharətlə istifadə eləyir. Hətta şeirlərində daha çox kitab sözlərindən, aforizmlərdən xeyli istifadə edib.

# 1562 dəfə oxunub

Oxşar xəbərlər

"44 günlük Vətən müharibəsi ədəbiyyatımızda" - Bədii-kulturolji layihə

"44 günlük Vətən müharibəsi ədəbiyyatımızda" - Bədii-kulturolji layihə

14:03 18 yanvar 2025
Film Fondunda “Bir ömürlük xatirə” kitabının təqdimatı olub

Film Fondunda “Bir ömürlük xatirə” kitabının təqdimatı olub

11:50 18 yanvar 2025
“Evdə tək” filminin çəkildiyi malikanə satıldı

“Evdə tək” filminin çəkildiyi malikanə satıldı

18:00 17 yanvar 2025
20 Yanvar hadisələri ilə əlaqədar virtual kitab sərgisi

20 Yanvar hadisələri ilə əlaqədar virtual kitab sərgisi

17:45 17 yanvar 2025
“44” filminin çəkilişləri davam edir

“44” filminin çəkilişləri davam edir

17:12 17 yanvar 2025
“Bu pulları necə yığacam?!” – Keşlə Bazarından reportaj

“Bu pulları necə yığacam?!” – Keşlə Bazarından reportaj

17:00 17 yanvar 2025
#
#
# # #