Bu gün Parisdə Holokost Muzeyi yaxınlığında divara qırmızı boya ilə əl izləri çəkməkdə şübhəli bilinərək həbs olunmuş üç Bolqarıstan vətəndaşının məhkəməsi başlayıb.
Kulis.az xəbər verir ki, bu barədə “Politico” məlumat yayııb.
Nəşrin yazdığına görə, ölkə rəsmiləri bildirib ki, bu hadisə Rusiya tərəfindən Fransada ictimai gərginliyi artırmaq və ölkəni sabitsizləşdirmək məqsədilə aparılan gizli və psixoloji əməliyyatların bir hissəsidir. Qeyd olunur ki, bu əməliyyatlar çərçivəsində son iki ildə məscidlərə donuz başları atılması, binalara Davud ulduzlarının çəkilməsi və Eyfel qülləsi yaxınlığında tabutların qoyulması kimi bir sıra simvolik hücumlar baş verib.
Analitiklər qeyd edir ki, Rusiya Fransanı həm əsas hədəf, həm də zəif tərəf hesab edir. Belə ki, ölkənin beynəlxalq çəkisi böyükdür, amma daxili gərginliklər manipulyasiya üçün əlverişli şərait yaradır.
Paris Geosiyasi Tədqiqat Mərkəzinin professoru Kevin Limonier bildirib ki, Rusiya Fransanı Ukraynaya dəstək verən nüvə gücü kimi görür və onu zəiflətmək üçün hibrid əməliyyatlar aparır.
Qeyd edək ki, bu gün Rusiya Prezidentini mətbuat katibi Dimitriy Peskov bildirib ki, Fransa Holokost qurbanları memorialına hücumun məhz Rusiya tərəfindən planlaşdırıldığını sübut etməlidir.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
