“Azərbaycan İncəsənət Məktəbi” MMC və Azərbaycan Texniki Universitetinin (AzTU) birgə əməkdaşlığı çərçivəsində, həssas kateqoriyadan olan gənclərin iştirakı ilə hazırlanan "Məni dinləyin" adlı sürrealizm üslublu tamaşanın təqdimatı olub.
Kulis.az xəbər verir ki, əvvəlcə Azərbaycan Respublikasının Dövlət Himni səsləndirilib. Şəhidlərimizin əziz xatirəsi bir dəqiqəlik sükutla yad edilib.
Tədbirdə Milli Məclisin deputatları, tanınmış incəsənət xadimləri, universitetin müəllim-professor və tələbə heyəti iştirak edib.
Açılışda çıxış edən AzTU-nun rektoru, professor Vilayət Vəliyev inklüzivliyin müasir cəmiyyətdəki mühüm rolundan bəhs edib. Rektor sənətin gücü ilə fiziki və sosial maneələrin aradan qaldırılmasının mümkün olduğunu bildirərək, inklüzivliyin təkcə sosial layihə deyil, həm də cəmiyyətin mənəvi yetkinliyinin və humanizm səviyyəsinin göstəricisi olduğunu vurğulayıb.
Azərbaycan İncəsənət Məktəbinin təsisçisi, tamaşanın müəllifi və quruluşçu rejissoru Fərid Bağırov isə çıxışında layihənin bədii fəlsəfəsi və qlobal əhəmiyyəti barədə ətraflı məlumat verib. O, sürrealizm elementləri ilə zəngin olan bu səhnə əsərinin insanın daxili aləminin sərhədsizliyini və həssas kateqoriyalı gənclərin cəmiyyətə çatdırmaq istədiyi dərin mesajları özündə ehtiva etdiyini bildirib. Rejissor sənətin universallığının lokal sərhədləri aşaraq qlobal humanitar dəyərlərə xidmət etdiyini və müasir dövrdə bu cür layihələrin reallaşmasının ölkəmizin mədəniyyət strategiyasında sosial bərabərliyin nə dərəcədə fundamental prioritet olduğunu təsdiqlədiyini vurğulayıb.
Daha sonra həssas kateqoriyaya aid olan istedadlı gənc Nurlan Məmmədzadə görkəmli müğənni Müslüm Maqomayevin repertuarından "Azərbaycan" mahnısını ifa edib.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər