Azərbaycan əsilli İran rejissoru Cəfər Pənahi Kann Beynəlxalq Film Festivalında "Qızıl palma budağı" mükafatına layiq görülüb.
Kulis.az xəbər verir ki, İran Xarici İşlər Nazirliyi Fransanın xarici işlər naziri Jan-Noel Barronun sözügedən filmlə bağlı söylədiyi fikirlərə etiraz edib.
Barro rejissorun qələbəsini “İran rejiminin repressiyalarına müqavimət jesti” adlandırıb.
Belə ki, Pənahi “Sadə bir qəza” filmini İranda qeyri-qanuni çəkib, hakimiyyətdən icazə almayıb. O, 2023-cü ildə İran həbsxanasından çıxdıqdan sonra filmi Kannda şəxsən təqdim edib.
Nazirin açıqlaması Tehranın kəskin reaksiyasına səbəb olub. İran Xarici İşlər Nazirliyinin sözçüsü Məhəmməd Tənhai bu cür şərhlərin "mədəni dialoqa mane olduğunu və ikitərəfli münasibətlərə zərər verdiyini" və fransız nazirin sözlərini “alçaldıcı” və “əsassız” hesab edib.
Qeyd edək ki, Cəfər Pənahi 15 ildən sonra ilk dəfə olaraq sözügedən festivalda iştirak edib və əsas mükafatı qazanıb.
Film gizli şəkildə çəkilib və dövlət tərəfindən maliyyələşdirilməyib.
Cəfər Pənahi İranda dəfələrlə həbs olunub. Onun film çəkməsinə qadağa belə qoyulub. Axşam.az
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
